2012, ഓഗസ്റ്റ് 24, വെള്ളിയാഴ്‌ച

പി ടി തോമസ്‌ എം.പിയുടെ നേതൃത്വത്തിലുള്ള സംഘം ഹാത്രസ്സ്‌ സന്ദര്‍ശിച്ചു.



യു.പിയിലെ ഹാത്രസ്സില്‍ മലയാളി നഴ്‌സ്‌ വത്സമ്മ തോമസ്‌ കൊല്ലപ്പെട്ട സംഭവവുമായി ബന്ധപ്പെട്ട്‌ പി ടി തോമസ്‌ എം.പിയുടെ നേതൃത്വത്തിലുള്ള സംഘം ഹാത്രസ്സ്‌ സന്ദര്‍ശിച്ചു. വത്സമ്മയുടെ വീട്ടിലെത്തിയ എം.പിമാരായ പി.ടി തോമസ്‌, ആന്റോ ആന്റണി, കെ.പി ധനപാലന്‍ എന്നിവര്‍ ബന്ധുക്കളുമായി ആശയവിനിമയം നടത്തി. ജില്ലാ പോലീസ്‌ സൂപ്രണ്ടും മലയാളിയുമായ ഹാപ്പി മിത്രയുമായും എംപി മാര്‍ ചര്‍ച്ച നടത്തി. അന്വേഷണം ത്വരിതപ്പെടുത്തണമെന്നാവശ്യപ്പെട്ട്‌ കേരള എംപിമാര്‍ കേന്ദ്ര ആഭ്യന്തരമന്ത്രി സുശീല്‍കുമാര്‍ ഷിന്‍ഡെ, സഹമന്ത്രി മുല്ലപ്പള്ളി രാമചന്ദ്രന്‍ എന്നിവരെയും സമീപിച്ചിരുന്നു. അയല്‍വാസികളായ പ്രതികളെ രക്ഷിക്കുവാന്‍ പോലീസ്‌ ശ്രമിക്കുന്നെന്ന ആരോപണം ഉയര്‍ന്നിരുന്നു. 

2012, ഓഗസ്റ്റ് 23, വ്യാഴാഴ്‌ച

തൊടുപുഴ അല്‍ അസ്‌ഹര്‍ കോളേജില്‍ ഓണാഘോഷം നടത്തി

തൊടുപുഴ അല്‍ അസ്‌ഹര്‍ കോളേജില്‍ ഓണാഘോഷം നടത്തി. വിദ്യാര്‍ത്ഥികളുടെ വിവിധ കലാപരിപാടികളും ഓണസദ്യയും നടന്നു. 

തൊടുപുഴ പ്രതീക്ഷ ഭവനില്‍ ഓണാഘോഷം നടന്നു

തൊടുപുഴ പ്രതീക്ഷ ഭവനില്‍ ഓണാഘോഷം നടന്നു. റവ.ഫാ. ജോസ്‌ മോനിപ്പിള്ളി അദ്ധ്യക്ഷത വഹിച്ചു. പ്രൊവിന്‍ഷ്യല്‍ സിസ്റ്റര്‍ ജെയിന്‍ ഫ്രാന്‍സീസ്‌, മുനിസിപ്പല്‍ വാര്‍ഡ്‌ കൗണ്‍സിലര്‍ പ്രൊഫ. ജെസ്സി ആന്റണി, തൊടുപുഴ ലയണ്‍സ്‌ ക്ലബ്ബ്‌ പ്രസിഡന്റ്‌ ജോ, തൊടുപുഴ വൈ.ഡബ്ല്യൂ.സി.എ പ്രസിഡന്റ്‌ പ്രൊഫ.കൊച്ചുത്രേസ്യ, സ്‌കൂള്‍ പ്രിന്‍സിപ്പല്‍ സിസ്റ്റര്‍ ഡീന എന്നിവര്‍ ചടങ്ങില്‍ സംസാരിച്ചു. തുടര്‍ന്ന്‌ കുട്ടികളുടെ വിവിധ പലാപരിപാടികളും അരങ്ങേറി.  

തൊടുപുഴ കുമാരമംഗലം വില്ലേജ്‌ ഇന്റര്‍നാഷ്‌ണല്‍ സ്‌കൂളില്‍ ഓണാഘോഷം നടന്നു

തൊടുപുഴ കുമാരമംഗലം വില്ലേജ്‌ ഇന്റര്‍നാഷ്‌ണല്‍ സ്‌കൂളില്‍ ഓണാഘോഷം നടന്നു. പഴയകാല ചരിത്രത്തെ ഓര്‍മ്മപ്പെടുത്തുന്ന രീതിയില്‍ വിദ്യാര്‍ത്ഥികളും അദ്ധ്യാപകരും സംഘടിപ്പിച്ച ഓണാഘോഷ പരിപാടികള്‍ ശ്രദ്ധേയമായി. ഓണ നുറുക്കുകള്‍, ഓണക്കളികള്‍, ഓണപ്പെരുമ, ഓണവിഭവങ്ങള്‍, ഓണനിര്‍മ്മിതികള്‍, ഓണപ്പൂക്കളം, ഓണലാവണ്യം, ഓണപര്‍വ്വം സ്‌പെഷ്യല്‍ ഓണസദ്യ എന്നിവ നടത്തി. 

തൊടുപുഴ ന്യൂമാന്‍ കോളേജില്‍ ഓണാഘോഷം നടത്തി

തൊടുപുഴ ന്യൂമാന്‍ കോളേജില്‍ ഓണാഘോഷം നടത്തി. വിദ്യാര്‍ത്ഥികളുടെ കലാപരിപാടികള്‍ നടന്നു. 

ബീവറേജസ്‌ ഷോപ്പില്‍ നിന്നും വാങ്ങിയ ബിയറില്‍ പൊടിപടലങ്ങള്‍ കണ്ടെത്തി

ബീവറേജസ്‌ ഷോപ്പില്‍ നിന്നും വാങ്ങിയ ബിയറില്‍ പൊടിപടലങ്ങള്‍ കണ്ടെത്തി. കരിമണ്ണൂരില്‍ നിന്നും വാങ്ങിയ ബിയറിലാണ്‌ മാലിന്യങ്ങള്‍ കണ്ടെത്തിയത്‌. കരിമണ്ണൂര്‍ സ്വദേശിയായ യുവാവു വാങ്ങിയ ബിയറിലാണ്‌ മാലിന്യങ്ങള്‍ കാണപ്പെട്ടത്‌.

ഇടുക്കി ജില്ലയിലെ ആദ്യത്തെ ഐ.സി.യു ആബുലന്‍സ്‌

ഇടുക്കി ജില്ലയിലെ ആദ്യത്തെ ഐ.സി.യു ആബുലന്‍സ്‌ സൗകര്യം തൊടുപുഴയ്‌ക്ക്‌ സ്വന്തം. തൊടുപുഴ സര്‍വ്വീസ്‌ സഹകരണ ബാങ്കിന്റെ പുതിയ സംരംഭമായ ഐ.സി.യു ആബുലന്‍സില്‍ കാര്‍ഡിയാക്‌, ഹെഡ്‌ ഇന്‍ഞ്ച്വറി പേഷ്യന്റ്‌സിനുള്‍പ്പെടെ എല്ലാ വിധത്തിലുമുള്ള ആധുനിക സൗകര്യങ്ങളും സജ്ജീകരിച്ചിട്ടുണ്ട്‌. 

യു.കെ യില്‍ നിന്നൊരു മാരന്‍

തൊടുപുഴ : യു.കെ യില്‍ നിന്നുള്ള യുവാവ്‌ തൊടുപുഴ വെങ്ങല്ലൂര്‍ സ്വദേശിയായ യുവതിക്ക്‌ മിന്നുചാര്‍ത്തി. തൊടുപുഴ കൃഷ്‌ണതീര്‍ത്ഥം ഓഡിറ്റോറിയത്തിലാണ്‌ പുതുമയാര്‍ന്ന വിവാഹം നടന്നത്‌. വെങ്ങല്ലൂര്‍ മണപ്പാട്ട്‌ എം.ആര്‍ ചന്ദ്രഭാനു - ഇന്ദിര ദമ്പതികളുടെ മകള്‍ ഡോ. സംഗീതയും യു.കെയിലുള്ള പോള്‍ ഗാലര്‍ - നൈസില ദമ്പതികളുടെ മകന്‍ ജയിംസ്‌ഗാലറുമാണ്‌ ഹിന്ദു ആചാരപ്രകാരം വിവാഹിതരായത്‌. വരന്റെ ബന്ധുക്കളുള്‍പ്പെടെയുള്ളവര്‍ കേരളീയ വേഷത്തിലാണ്‌ വിവാഹത്തിനെത്തിയത്‌. 

2012, ഓഗസ്റ്റ് 22, ബുധനാഴ്‌ച

വാക്കണ്ടത്തില്‍ സിറ്റി ചിപ്‌സ്‌

ശുദ്ധമായ വെളിച്ചെണ്ണയില്‍ തയ്യാറാക്കിയ ചിപ്‌സുകള്‍ ലഭ്യമാക്കിക്കൊണ്ടാണ്‌ തൊടുപുഴ മാര്‍ക്കറ്റ്‌ റോഡില്‍ പ്രവര്‍ത്തിക്കുന്ന വാക്കണ്ടത്തില്‍ സിറ്റി ചിപ്‌സ്‌ ഓണത്തിന്‌ ഒരുങ്ങിയിരിക്കുന്നത്‌. വെളിച്ചണ്ണയില്‍ മാത്രം ചിപ്‌സ്‌ തയ്യാറാക്കുന്നതിലൂടെ പ്രശസ്‌തമായ സ്ഥാപനമാണ്‌ സിറ്റി ചിപ്‌സ്‌.  

വിദ്യാര്‍ത്ഥികള്‍ പ്രകൃതിദുരന്ത ബാധിത പ്രദേശമായ കടവൂര്‍ നാലാം ബ്ലോക്കും ദുരിതാശ്വാസ കേന്ദ്രമായ കടവൂര്‍ ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂളും സന്ദര്‍ശിച്ചു

തൊടുപുഴ വിമല പബ്ലിക്‌ സ്‌കൂളിലെ എക്കോ ക്ലബ്ബിന്റെ ആഭിമുഖ്യത്തില്‍ വിദ്യാര്‍ത്ഥികള്‍ പ്രകൃതിദുരന്ത ബാധിത പ്രദേശമായ കടവൂര്‍ നാലാം ബ്ലോക്കും ദുരിതാശ്വാസ കേന്ദ്രമായ കടവൂര്‍ ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂളും സന്ദര്‍ശിച്ചു.സ്‌കൂള്‍ പ്രിന്‍സിപ്പല്‍ സിസ്റ്റര്‍ എലൈസ്‌ സിഎംസി, ലോക്കല്‍ മാനേജര്‍ സിസ്റ്റര്‍ ഗ്ലോറി സിഎംസി, എക്കോ ക്ലബ്ബ്‌ കോര്‍ഡിനേറ്റേഴ്‌സ്‌ കെ.പി. അശോക്‌ കുമാര്‍, ബിബിന്‍ ബേബി, ജെസിയമ്മ ലൂക്കോസ്‌, എക്കോ ക്ലബ്ബ്‌ പ്രസിഡന്റ്‌ ജിബിന്‍ സൈമണ്‍, സെക്രട്ടറി റിയ തോമസ്‌ എന്നിവര്‍ നേതൃത്വം നല്‍കി. ദുരിത ബാധിതര്‍ക്ക്‌ വിദ്യാര്‍ത്ഥികള്‍ സമാഹരിച്ച തുകയും വസ്‌ത്രങ്ങളും കൈമാറി.  

ഓണാഘോഷത്തിന്‌ കൊഴുപ്പേകാന്‍ പേള്‍ റോയല്‍ ഹോട്ടല്‍ പായസമേള

ഓണാഘോഷത്തിന്‌ കൊഴുപ്പേകാന്‍ തൊടുപുഴ കെ.എസ്‌ആര്‍ടിസി ബസ്‌ സ്റ്റാന്റിനു സമീപമുള്ള പേള്‍ റോയല്‍ ഹോട്ടല്‍ പായസമേള തുടങ്ങി. മധുരിക്കുന്ന രുചിഭേദങ്ങളുമായി പത്തുദിവസം നീളുന്ന പായസമേളയാണ്‌ ഒരുക്കിയിരിക്കുന്നത്‌. കേരളത്തനിമയാര്‍ന്ന വിവിധയിനം പായസങ്ങള്‍ സമന്വയിക്കുന്ന ആസ്വാദ്യമായ രുചിയനുഭവമാണ്‌ പേള്‍റോയലില്‍ ഒരുക്കിയിരിക്കുന്നത്‌. അടപ്രഥമന്‍, കൂടാതെ ചെറുപയര്‍, അരി, കടല, പരിപ്പ്‌, ഗോതമ്പ്‌ തുടങ്ങി വൈവിധ്യം നിറഞ്ഞ പായസങ്ങളാണ്‌ ഒരുക്കിയിരിക്കുന്നത്‌. ഇതിനു പുറമേ എല്ലാദിവസവും രാത്രി ഏഴ്‌ മുതല്‍ 10.30 വരെ ബുഫേ ഡിന്നര്‍ ഒരുക്കിയിട്ടുണ്ട്‌. കുട്ടനാടന്‍ ഫുഡ്‌ഫെസ്റ്റാണ്‌ ബുഫേ ഡിന്നറിലുള്ളത്‌. പൂരാടം, ഉത്രാടം, തിരുവോണം ദിവസങ്ങളില്‍ ഓണസദ്യയും ഒരുക്കിയിട്ടുണ്ട്‌.

ഓണത്തെ വരവേല്‍ക്കുവാന്‍

. ഓണത്തെ വരവേല്‍ക്കുവാന്‍ തൊടുപുഴ പുളിമൂട്ടില്‍ സില്‍ക്‌സില്‍ അത്തപ്പൂക്കളമൊരുങ്ങി. പൂക്കള്‍കൊണ്ട്‌ വലുപ്പത്തില്‍ ഒരുക്കിയ അത്തപ്പൂക്കളം പുളിമൂട്ടില്‍ സില്‍ക്‌സില്‍ എത്തുന്ന ഉപഭോക്താക്കളെ ആകര്‍ഷിക്കുന്നു. ജീവനക്കാര്‍ ചേര്‍ന്നാണ്‌ മനോഹരമായ പൂക്കളം ഒരുക്കിയിരിക്കുന്നത്‌.

റ്റി.സി റസ്റ്റോറന്റില്‍ പൂക്കളമൊരുങ്ങി.

ഓണാഘോഷത്തിന്‌ കൊഴുപ്പുകൂട്ടുവാന്‍ തൊടുപുഴ റ്റി.സി റസ്റ്റോറന്റില്‍ പൂക്കളമൊരുങ്ങി. അത്തം മുതല്‍ എല്ലാദിവസവും പൂക്കളമൊരുക്കുമെന്ന്‌ റ്റി സി ഹോട്ടല്‍ മാനേജര്‍ റോയി പറഞ്ഞു. അത്തം മുതല്‍ തിരുവോണം വരെ വിഭവസമൃദ്ധമായ ഓണസദ്യയും ഓണപ്പായസവും റ്റി.സി റസ്റ്റോറന്റില്‍ ഒരുക്കിയിട്ടുണ്ട്‌. ഓണപ്പായസം പാഴ്‌സല്‍ സൗകര്യവുമുണ്ടായിരിക്കും.



2012, ഓഗസ്റ്റ് 18, ശനിയാഴ്‌ച

തൊടുപുഴയില്‍ നിന്നും ഒരു താരോദയം കൂടി

മലയാള സിനിമയ്‌ക്ക്‌ തൊടുപുഴയില്‍ നിന്നും ഒരു താരോദയം കൂടി. ശനിയാഴ്‌ച റിലീസ്‌ ചെയ്യുന്ന ദിലീപ്‌ നായകനാകുന്ന മിസ്റ്റര്‍ മരുമകന്‍ എന്ന ചിത്രത്തിലാണ്‌ മോഡലിംഗ്‌ രംഗത്തു നിന്നും സിനിമയിലേക്കെത്തിയ തൊടുപുഴ സ്വദേശിനി മേഘ്‌ന നായര്‍ നായികാപ്രാധാന്യമുള്ള കഥാപാത്രത്തെ അവതരിപ്പിച്ചിരിക്കുന്നത്‌. തമിഴില്‍ ആദ്യപടം ചെയ്‌ത മേഘ്‌നയുടെ മലയാളത്തിലെ മൂന്നാമത്രം ചിത്രമാണ്‌ ഓണക്കാലത്ത്‌ റിലീസാകുന്ന മിസ്റ്റര്‍ മരുമകന്‍.


ജലനിധി മേഖലാ ഓഫീസ്‌ തൊടുപുഴ മാതാ ഷോപ്പിംഗ്‌ ആര്‍ക്കേഡില്‍ മന്ത്രി പി.ജെ ജോസഫ്‌ ഉദ്‌ഘാടനം ചെയ്‌തു. മുനിസിപ്പല്‍ ചെയര്‍മാന്‍ ടി. ജെ ജോസഫ്‌ അദ്ധ്യക്ഷത വഹിച്ചു. മുനിസിപ്പല്‍ വൈസ്‌ ചെയര്‍മാന്‍ സുബൈദ സെയ്‌തുമുഹമ്മദ്‌, സില്‍ക്ക്‌ ചെയര്‍മാന്‍ ടി.ജെ ജോസഫ്‌, ജില്ലാ പഞ്ചായത്ത്‌ മെമ്പര്‍ ഷീല സ്റ്റീഫന്‍, അഡ്വ. അലക്‌സ്‌ കോഴിമല, ജോണ്‍ നെടിയശാല, വി. വി മത്തായി, പി. പി സാനു, കെ. ഗോപിനാഥന്‍ നായര്‍, ബിജു കൃഷ്‌ണന്‍, കെ. സുരേഷ്‌ബാബു, പീതാംബരന്‍ പിള്ള, ററി.വി പാപ്പു, രാജു ജോര്‍ജ്ജ്‌, ബിജു മറ്റപ്പള്ളി തുടങ്ങിയവര്‍ പ്രസംഗിച്ചു.

കടവൂര്‍ നാലാംബ്ലോക്കില്‍ ഉരുള്‍പൊട്ടലില്‍ കനത്ത നാശം

കടവൂര്‍ നാലാംബ്ലോക്കില്‍ ഉരുള്‍പൊട്ടലില്‍ കനത്ത നാശം. ഒരാള്‍ മരണപ്പെട്ടു. നാലുപേരെ കാണാതായി. എട്ടുവീടുകള്‍ ഒലിച്ചുപോയി. രക്ഷാപ്രവര്‍ത്തനത്തിന്‌ ഫയര്‍ഫോഴ്‌സും നാട്ടുകാരും നേതൃത്വം നല്‍കി. വീണ്ടും ഉരുള്‍പൊട്ടാന്‍ സാധ്യതയുണ്ടെന്ന വിദഗ്‌ധരുടെ നിര്‍ദ്ദേശത്തെത്തുടര്‍ന്ന്‌ രക്ഷാപ്രവര്‍ത്തനം വൈകിയാണ്‌ ആരംഭിച്ചത്‌.

2012, ഓഗസ്റ്റ് 16, വ്യാഴാഴ്‌ച

തൊടുപുഴ ലയണ്‍സ്‌ ക്ലബും ചാഴികാട്ട്‌ ആശുപത്രിയും സംയുക്തമായി നടപ്പാക്കുന്ന ഡയാലിസിസ്‌ പദ്ധതിയുടെ ഉദ്‌ഘാടനം ആഗസ്റ്റ്‌ 19 ന്‌ രാവിലെ 8.30 ന്‌ ചാഴികാട്ട്‌ ആശുപത്രിയില്‍ മന്ത്രി പി.ജെ ജോസഫ്‌ നിര്‍വഹിക്കുമെന്ന്‌ ക്ലബ്‌ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ലയണ്‍സ്‌ ഡിസ്‌ട്രിക്‌ട്‌ ഗവര്‍ണര്‍ സി.എ അബ്രഹാം പഞ്ഞിക്കാരന്‍ അദ്ധ്യക്ഷത വഹിക്കും. മുനിസിപ്പല്‍ചെയര്‍മാന്‍ ടി.ജെ ജോസഫ്‌ മുഖ്യാതിഥിയായി പങ്കെടുക്കും. പ്രസിഡന്റ്‌ അഡ്വ. ജോ ജോസ്‌, സെക്രട്ടറി ശരത്‌ യു നായര്‍, ട്രഷറര്‍ കെ. രാമചന്ദ്രന്‍, പ്രോജക്‌ട്‌ കണ്‍വീനര്‍മാരായ ഡോ. ജോസഫ്‌ സ്റ്റീഫന്‍, ഡോ. കെ. സുദര്‍ശന്‍, വൈസ്‌ പ്രസിഡന്റ്‌ പുന്നൂസ്‌ ജേക്കബ്‌ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

2012, ഓഗസ്റ്റ് 3, വെള്ളിയാഴ്‌ച

ശുചീകരിച്ച കുടിവെള്ളം കുട്ടികള്‍ക്ക്‌ ലഭ്യമാക്കുന്നതിനുള്ള വാട്ടര്‍ പ്യൂരിഫെയറിന്റെ ഉദ്‌ഘാടനം

ലയണ്‍ ക്ലബ്ബ്‌ ഓഫ്‌ തൊടുപുഴ എലൈറ്റിന്റെ നേതൃത്വത്തില്‍ മുട്ടം ഗവണ്‍മെന്റ്‌ ഹൈസ്‌കൂളില്‍ ശുചീകരിച്ച കുടിവെള്ളം കുട്ടികള്‍ക്ക്‌ ലഭ്യമാക്കുന്നതിനുള്ള വാട്ടര്‍ പ്യൂരിഫെയറിന്റെ ഉദ്‌ഘാടനം ലയണ്‍സ്‌ ക്ലബ്ബ്‌ പ്രസിഡന്റ്‌ റോയി ലൂക്ക്‌ നിര്‍വഹിച്ചു. സ്‌കൂള്‍ ഹെഡ്‌മാസ്റ്റര്‍, പി.ടി.എ പ്രസിഡന്റ്‌, ലയണ്‍സ്‌ ക്ലബ്ബ്‌ ഭാരവാഹികളായ ബിജു, ഷാജു തോമസ്‌ എന്നിവര്‍ പ്രസംഗിച്ചു.