2014, സെപ്റ്റംബർ 21, ഞായറാഴ്‌ച

തൊടുപുഴ പുളിമൂട്ടില്‍ സില്‍ക്ക്‌സ്‌ 90 ാം വാര്‍ഷികത്തോടനുബന്ധിച്ച്‌ ഏര്‍പ്പെടുത്തിയ സമ്മാനപദ്ധതിയിലെ വിജയികള്‍ക്ക്‌ സമ്മാനങ്ങള്‍ വിതരണം ചെയ്‌തു. മുനിസിപ്പല്‍ ചെയര്‍മാന്‍ എ എം ഹാരിദ്‌ സമ്മാനവിതരണം നിര്‍വ്വഹിച്ചു. ബമ്പര്‍ സമ്മാനമായ ഹ്യുണ്ടായ്‌ ഇയോണ്‍ കാര്‍ വെങ്ങല്ലൂര്‍ വലിയവീട്ടില്‍ മന്‍ഹ ഫാത്തിമയ്‌ക്ക്‌ ചെയര്‍മാന്‍ കൈമാറി. രണ്ടാംസമ്മാനമായ ഹീറോ പ്ലഷര്‍ സ്‌കൂട്ടര്‍ കോതമംഗലം നെല്ലിമറ്റം പാറാട്ട്‌ പ്രവീണ പി പ്രേമന്‍, പല്ലാരിമംഗലം കാഞ്ഞിരമുകളേല്‍ ഷാലിമ റൗഫ്‌, കളത്തൂക്കടവ്‌ അധികാരത്ത്‌ ബിന്ദു സുനില്‍ എന്നിവര്‍ക്കും സമ്മാനിച്ചു. പുളിമൂട്ടില്‍ സില്‍ക്ക്‌സില്‍ നടന്ന ചടങ്ങില്‍ മാനേജിംഗ്‌ പാര്‍ട്‌ണര്‍മാരായ ഔസേഫ്‌ ജോണ്‍, റോയി ജോണ്‍, റോജര്‍ ജോണ്‍, ജനറല്‍ മാനേജര്‍ ജെയിംസ്‌ പി പോള്‍ തുടങ്ങിയവര്‍ സന്നിഹിതരായിരുന്നു.