തൊടുപുഴ സപ്തസ്വര സംഗീത കലാലയത്തിന്റെ ആഭിമുഖ്യത്തില്
നവരാത്രി സംഗീതാരാധനയും വിദ്യാരംഭവും നടത്തി. വിദ്യാരംഭത്തോടനുബന്ധിച്ച്
ശാസ്ത്രീയസംഗീതം, വയലിന്, ക്ലാസിക്കല് ഡാന്സ്, വീണ, മൃദംഗം, ഗിത്താര്,
കീബോര്ഡ്, ചിത്രരചന, സിനിമാറ്റിക് ഡാന്സ് എന്നിവയുടെ ക്ലാസുകള് ആരംഭിച്ചു.
സംസ്ഥാനത്തെ കോളേജ് പ്രിന്സിപ്പല്മാരുടെ സംസ്ഥാനതല
സമ്മേളനം ഒക്ടോബര് 29, 30 തീയതികളില് തൊടുപുഴയില് നടക്കുമെന്ന് ഭാരവാഹികള്
വാര്ത്താസമ്മേളനത്തില് അറിയിച്ചു. ഉന്നതവിദ്യാഭ്യാസ രംഗത്തെ നൂതന
കാഴ്ചപ്പാടുകള് എന്ന വിഷയത്തെക്കുറിച്ച് സമ്മേളനം ചര്ച്ച ചെയ്യും. 29 ന്
രാവിലെ 10 ന് മന്ത്രി പി.ജെ ജോസഫ് സമ്മേളനം ഉദ്ഘാടനം ചെയ്യും. കോതമംഗലം ബിഷപ്
മാര് ജോര്ജ്ജ് പുന്നക്കോട്ടില് അദ്ധ്യക്ഷത വഹിക്കും. മുന് വൈസ് ചാന്സലര്
ഡോ. എ. സുകുമാരന് നായര്, കേരള പ്രിന്സിപ്പല്സ് കൗണ്സില് പ്രസിഡന്റ് ഡോ.
പി.സി അനിയന്കുഞ്ഞ്, ഡോ. എം. ഉസ്മാന്, ഡോ. വി.എന് രാജശേഖരന്പിള്ള
തുടങ്ങിയവര് പങ്കെടുക്കും. വാര്ത്താസമ്മേളനത്തില് ന്യൂമാന് കോളേജ്
പ്രിന്സിപ്പല് ഡോ. ടി.എം ജോസഫ്, പ്രഫ. ലൂയിസ് ജെ. പാറത്താഴം, ഡോ. ജോണ്സണ്
വര്ഗീസ്, സാജു എബ്രഹാം, ഡോ. മാത്യു, തുടങ്ങിയവര് പങ്കെടുത്തു.
ബ്ലൂഡാര്ട്ട് കൊറിയര് സര്വ്വീസിന്റെ പുതിയ ഓഫീസ്
തൊടുപുഴയില് റ്റി.എസ്.കെ ബില്ഡിംഗില് പ്രവര്ത്തനം ആരംഭിച്ചു. മുനിസിപ്പല്
ചെയര്മാന് ടി.ജെ ജോസഫ് ഉദ്ഘാടനം നിര്വഹിച്ചു. എം.സി മാത്യു, നൈറ്റ്സി
കുര്യാക്കോസ് തുടങ്ങിയവര് പങ്കെടുത്തു.
കരിങ്കുന്നം സര്വ്വീസ് സഹകരണ ബാങ്ക് പൊന്നന്താനം ശാഖാ
മന്ദിരോദ്ഘാടനം മന്ത്രി പി.ജെ ജോസഫ് നിര്വഹിച്ചു. പ്രസിഡന്റ് തമ്പി മാനുങ്കല്,
സ്ട്രോംഗ് റൂം ഉദ്ഘാടനം ജില്ലാ പഞ്ചായത്തംഗം ഷീല സ്റ്റീഫന് നിര്വഹിച്ചു.
ലോക്കര് ഉദ്ഘാടനം സഹകരണ സംഘം ജോയിന്റ് രജിസ്ട്രാര് സി സി തോമസ് നിര്വഹിച്ചു.
സര്ക്കിള് സഹകരണ യൂണിയന് ചെയര്മാന് വി വി മത്തായി മുഖ്യപ്രഭാഷണം നടത്തി.
കരിങ്കുന്നം ഗ്രാമപഞ്ചായത്ത് പ്രസിഡന്റ് ജിമ്മി മറ്റത്തിപ്പാറ, വൈസ് പ്രസിഡന്റ്
ജാന്സി ജോസ്, എസ്. ശ്രീജയച, ജോജി തോമസ് എടാമ്പുറം, തോമസുകുട്ടി കുര്യന്, കെ.എം
ബാബു, അലക്സ് പ്ലാത്തോട്ടം, മത്തായി ജോണ്, അഗസ്റ്റിന് നടുപ്പറമ്പില്
തുടങ്ങിയവര് പ്രസംഗിച്ചു. ബോര്ഡ് മെമ്പര് ഷിജോ അഗസ്റ്റിന് സ്വാഗതവും
സെക്രട്ടറി പി.എം ശോഭന നന്ദിയും പറഞ്ഞു.
തൊടുപുഴ അര്ബന് സഹകരണ ബാങ്കിന്റെ പത്താമത് ശാഖാ
പെരുമ്പിള്ളിച്ചിറയില് പ്രവര്ത്തനമാരംഭിച്ചു. മന്ത്രി പി.ജെ ജോസഫ് ഉദ്ഘാടനം
നിര്വഹിച്ചു. ചെയര്മാന് എ. രാധാകൃഷ്ണന് അദ്ധ്യക്ഷത വഹിച്ചു. കുമാരമംഗലം
ഗ്രാമപഞ്ചായത്ത് പ്രസിഡന്റ് സെലിന് ജെറോം ലോക്കര് ഉദ്ഘാടനം നിര്വഹിച്ചു.
ആദ്യനിക്ഷേപ സ്വീകരണം സഹകരണ സംഘം ജോയിന്റ് രജിസ്ട്രാര് സി സി തോമസ്
നിര്വഹിച്ചു. വായ്പാവിതരണ ഉദ്ഘാടനം സഹകരണ സംഘം ആഡിറ്റ് ജോയിന്റ് ഡയറക്ടര്
മാത്യു ജോസഫും കമ്പ്യൂട്ടറൈസേഷന് ഉദ്ഘാടനം സര്ക്കിള് സഹകരണ യൂണിയന്
ചെയര്മാന് വി.വി മത്തായിയും നിര്വഹിച്ചു. ബ്ലോക്ക് പഞ്ചായത്ത് പ്രസിഡന്റ്
ലീലമ്മ ജോസ്, മുഹമ്മദ് വെട്ടിക്കല്, ജോര്ജ്ജ് താന്നിക്കല്, ലൈല മുഹമ്മദ്,
കെ.എം ബാബു, കെ. ദീപക്, ജോണി തോമസ്, എസ്. ശ്രീജയ, വി.എം ജോസഫ്, കെ.എം മൂസ,
പി.പി ജോയി, , ജനറല് മാനേജര് ജേക്കബ് മാത്യു തുടങ്ങിയവര് പ്രസംഗിച്ചു.
ഡയറക്ടര് അഡ്വ. ഇ. അബ്ദുള് റഹിം സ്വാഗതവും റ്റി.ആര് സോമന് നന്ദിയും പറഞ്ഞു.
ബാങ്കിന്റെ നവതിവര്ഷാഘോഷത്തോടനുബന്ധിച്ചാണ് പുതിയ ശാഖയുടെ ഉദ്ഘാടനം. മണക്കാട്,
മുതലക്കോടം, വണ്ണപ്പുറം, കരിമണ്ണൂര്, മുട്ടം, ഇളംദേശം, വഴിത്തല, തൊടുപുഴ ടൗണ്,
തൊടുപുഴ പ്രഭാത സായാഹ്നം എന്നിവയാണ് മറ്റു ശാഖകള്.
സ്റ്റേറ്റ് ബാങ്ക് ഓഫ് ട്രാവന്കൂര് മുട്ടം ശാഖാ
മാനേജര് പെരുമ്പിള്ളിച്ചിറ കുന്നേല് കെ.എ ബാബുവിന്റെ ഭാര്യ മായാ സെബാസ്റ്റ്യന്
നിര്യാതയായി. 40 വയസായിരുന്നു. മുതലക്കോടം സെന്റ് ജോര്ജ്ജ് ഹയര്സെക്കന്ഡറി
സ്കൂള് അദ്ധ്യാപികയായിരുന്നു. പെരുമ്പിള്ളിച്ചിറ മഞ്ചപ്പിള്ളി പരേതനായ എം.ഒ
ദേവസ്യയുടെ മകളാണ്. ഏകമകള് മരിയ ബാബു തൊടുപുഴ ജയ്റാണി സ്കൂള്
വിദ്യാര്ത്ഥിനിയാണ്. മാതാവ് മേഴ്സി വെള്ളരിങ്ങാട്ട് കുടുംബാംഗമാണ്.മുതലക്കോടം
സെന്റ് ജോര്ജ്ജ് ഹയര്സെക്കന്ഡറി സ്കൂളില് മൃതദേഹം പൊതുദര്ശനത്തിന് വച്ചു.
അദ്ധ്യാപകരും വിദ്യാര്ത്ഥികളും അന്തിമോപചാരം അര്പ്പിച്ചു.
ലോക വയോജന ദിനാചരണത്തോടനുബന്ധിച്ച് പെരുമ്പിള്ളിച്ചിറ
അല് അസ്ഹര് കോളേജിന്റെ ആഭിമുഖ്യത്തില് കോളേജ് എന്എസ്എസിന്റെയും റെഡ് റിബണ്
ക്ലബിന്റെയും സഹകരണത്തോടെ സന്നദ്ധ രക്തദാന ക്യാമ്പ് നടത്തി. എക്സ് എം.പി കെ.
ഫ്രാന്സിസ് ജോര്ജ്ജ് ഉദ്ഘാടനം നിര്വഹിച്ചു. പ്രിന്സിപ്പല് ഡോ. പി.എ
മുഹമ്മദ് ബഷീര് അദ്ധ്യക്ഷത വഹിച്ചു. അല് അസ്ഹര് ഗ്രൂപ്പ് ചെയര്മാന് കെ.എം
മൂസ, ഇടുക്കി എന്ആര്എച്ച്എം ഡിപിഎം ഡോ.സി.വി ജേക്കബ്, ഡോ. സി.ജെ അലോഷ്യസ്, ഡോ.
ജോസ്, കെ.ആര് അനിതാകുമാരി, ജയചന്ദ്രന്, പി.എ സലിംകുട്ടി, ജോളി അഗസ്റ്റിന്,
അനീഷ് ജോണ് തുടങ്ങിയവര് പ്രസംഗിച്ചു.