കൊച്ചി: നെടുമ്പാശേരി സ്വര്‍ണക്കടത്ത് കേസില്‍ രണ്ട് എസ്.ഐമാര്‍ക്കെതിരെ കൊഫെപോസ പ്രകാരം കേസെടുത്തു. വിമാനത്താവളത്തിലെ ഇമിഗ്രേഷന്‍ എസ്.ഐമാരായ ഇ.ബി മനുവും ആര്‍.കൃഷ്ണകുമാര്‍ എന്നിവര്‍ക്കെതിരെയാണ് കേസ്. ഇവരെ ഉടന്‍തന്നെ അറസ്റ്റു ചെയ്തു ജയിലിലാക്കും. കൊഫെപോസ ചുമത്തുന്നതോടെ ഇവര്‍ക്ക് ഒരു വര്‍ഷത്തേക്ക് ജാമ്യം ലഭിക്കില്ല. ഈ വര്‍ഷം ജനുവരിയിലാണ് ഇവരുടെ സഹായത്തോടെ നെടുമ്പാശേരി വിമാനത്താവളം വഴി ഇജാസ് അഹമ്മദ് വഴി സ്വര്‍ണം കടത്തിയത്. ദുബായില്‍ നിന്നെത്തിച്ച സ്വര്‍ണം ഇജാസ് അഹമ്മദ് ഇമിഗ്രേഷന്‍ റൂമില്‍ എത്തിച്ചു. ഈ സ്വര്‍ണം രണ്ട് സ്യൂട്ട്‌കേസുകളിലാക്കി എസ്.ഐമാര്‍ വിമാനത്താവളത്തിന് പുറത്തെത്തിച്ച് നല്‍കിയെന്നാണ് കേസ്. സി.ബി.ഐ അന്വേഷിച്ച കേസില്‍ ഇജാസിനെ ചോദ്യം ചെയ്തതില്‍ നിന്ന് എസ്.ഐമാര്‍ മുന്‍പും ഇത്തരത്തില്‍ സ്വര്‍ണം കടത്തിയിരുന്നതായി കണ്ടെത്തിയിരുന്നു. ഇതോടെയാണ് ഇവര്‍ക്കെതിരെ കൊഫെപോസ ചുമത്താന്‍ തീരുമാനിച്ചത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ