തൊടുപുഴ : ക്രൈസ്‌തവ ദേവാലയത്തില്‍ വിദ്യാരംഭം നടത്തിയത്‌ ശ്രദ്ധേയമായി . തൊടുപുഴ ഈസ്റ്റ്‌ വിജ്ഞാനമാതാ പള്ളിയിലാണ്‌ തിരുനാളിനോട്‌ അനുബന്ധിച്ച്‌ കുട്ടികളുടെ വിദ്യാരംഭം നടന്നത്‌. പള്ളി രൂപം കൊണ്ട്‌ നാള്‍ മുതല്‍ ഇവിടെ കുട്ടികളെ എഴുത്തിനിരുത്തി വരുന്നു. വിജ്ഞാന മാതാവിന്റെ നാമദേയത്തിലുള്ള കേരളത്തിലെ ഏക ദേവാലയമാണിത്‌. ഇന്നലെ നടന്ന വിദ്യാരംഭ ചടങ്ങില്‍ അന്‍പതോളം കുട്ടികള്‍ പങ്കെടുത്തു. ഇടവകക്ക്‌ പുറത്തു നിന്നും നിരവധി കുട്ടികള്‍ വിദ്യാരംഭത്തിന്‌ എത്തിയിരുന്നു. വികാരി ഫാ. ജോസ്‌ മത്തായി മൈലടിയാത്ത്‌, ന്യൂമാന്‍ കോളേജ്‌ ബര്‍സാര്‍ ഫാ. മാനുവല്‍ പിച്ചളക്കാട്ട്‌ എന്നിവരാണ്‌ കുട്ടികളെ ആദ്യാക്ഷരം കുറിപ്പിച്ചത്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ