പാലാ : പാലാ രൂപതയിലെ വൈദികന്‍ ഫാ. ജോസഫ്‌ പ്ലാക്കൂട്ടം (87) നിര്യാതനായി. മൃതദേഹം തിങ്കളാഴ്‌ച വൈകുന്നേരം അഞ്ച്‌ മണിക്ക്‌ ചൂണ്ടച്ചേരിയിലുള്ള വസതിയില്‍ പൊതുദര്‍ശനത്തിന്‌ വയ്‌ക്കും. സംസ്‌കാരം ചൊവ്വാഴ്‌ച ഉച്ചകഴിഞ്ഞ്‌ 2.30ന്‌ ഭരണങ്ങാനം സെന്റ്‌ മേരീസ്‌ ഫൊറോന പള്ളിയില്‍. പാലാ രൂപതിയിലെ മരങ്ങാട്ടുപള്ളി, മുത്തോലപുരം, കുറവിലങ്ങാട്‌, തുടങ്ങനാട്‌ പള്ളികളില്‍ സഹവികാരിയായും എലിവാലി, ഇടപ്പാടി, പൈങ്ങുളം, കളത്തുകടവ്‌ പള്ളികളില്‍ വികാരിയായും സേവനം അനുഷ്‌ഠിച്ചിട്ടുണ്ട്‌. ചൂണ്ടച്ചേരി പ്ലാക്കൂട്ടത്തില്‍ ദേവസ്യ-ഏലി ദമ്പതികളുടെ മകനാണ്‌. ഫാ. സെബാസ്റ്റ്യന്‍ പ്ലാക്കൂട്ടം (ഭരണങ്ങാനം), സിസ്റ്റര്‍ ജീന്‍ മേരി (അഡോറേഷന്‍ കോണ്‍വെന്റ്‌, കടനാട്‌), പരേതരായ എബ്രഹാം, പി.ഡി. മാത്യു, പി.ഡി. തോമസ്‌, അന്നമ്മ, ത്രേസ്യാ, ഏലിക്കുട്ടി എന്നിവര്‍ സഹോദരങ്ങളാണ്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ