കേരളത്തിന്റെ കാര്‍ഷികസംസ്‌കൃതി ഊട്ടിയുറപ്പിക്കുക എന്ന ലക്ഷ്യത്തോടെ ത്രിതല പഞ്ചാത്തുകള്‍, കര്‍ഷകസമൂഹം എന്നിവയുമായി സഹകരിച്ച്‌ കൃഷിവകുപ്പ്‌ നേതൃത്വത്തില്‍ഇരട്ടയാര്‍ സെന്റ്‌ തോമസ്‌ ഹയര്‍സെക്കന്‍ഡറി സ്‌കൂളില്‍ ജില്ലാതല കര്‍ഷകസംഗമം നടത്തി. സാംസ്‌കാരിക ഘോഷയാത്രയോടെ ആരംഭിച്ച കാര്‍ഷികസംഗമത്തില്‍ വിവിധയിനം നാടന്‍കലാരൂപങ്ങള്‍, നാടന്‍രുചിഭേദങ്ങള്‍, കാര്‍ഷികപ്രദര്‍ശനം എന്നിങ്ങനെ വൈവിദ്ധ്യമാര്‍ന്ന കാര്‍ഷികത്തനിമകള്‍ ഉണ്ടായിരുന്നു. കോഴിമല രാജാവ്‌ രാമന്‍ രാജമന്നാന്‍ പതാക ഉയര്‍ത്തി. സമ്മേളനം മന്ത്രി പി.ജെ ജോസഫ്‌ ഉദ്‌ഘാടനം ചെയ്‌തു. ആദ്യകാല കുടിയേറ്റ കര്‍ഷകന്‍ ടി.വി ആന്റണി ദീപം തെളിയിച്ചു. ജില്ലാ പഞ്ചായത്ത്‌ പ്രസിഡന്റ്‌ അഡ്വ. അലക്‌സ്‌ കോഴിമല, ഇരട്ടയാര്‍ ഗ്രാമപഞ്ചായത്ത്‌ പ്രസിഡന്റ്‌ ബേബി പതിപ്പള്ളി, കെ.എന്‍ മുരളി, മേരി ആന്റണി, സിബി പറപ്പായി, തുടങ്ങിയവര്‍ പ്രസംഗിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ