തൊടുപുഴ: നെയ്യശ്ശേരി സെന്റ്‌ സെബാസ്റ്റ്യന്‍സ്‌ ഹൈസ്‌ക്കൂളിലും, കോടിക്കുളം സെന്റ്‌ മേരീസ്‌ ഹൈസ്‌ക്കൂളിലുമായി ഇരുപത്തി അഞ്ച്‌ വര്‍ഷം മലയാളം അധ്യാപകനായി സേവനമനുഷ്‌ഠിച്ചിട്ടുള്ള പി. പി. ദേവസ്യ പടിഞ്ഞാറെക്കുറ്റ്‌ (72) മാര്‍ച്ച്‌ 28 ന്‌ പുലര്‍ച്ചെ 2-15 ന്‌ അന്തരിച്ചു. സംസ്‌കാരം മുതലക്കോടം സെന്റ്‌ ജോര്‍ജ്‌ പള്ളി സിമിത്തേരിയില്‍ ഇന്ന്‌ രാവിലെ 10 മണിക്ക്‌. ഇദ്ദേഹം അനവധി മലയാള പുസ്‌തകങ്ങള്‍ രചിച്ചിട്ടുണ്ട്‌്‌. അദ്ദേഹത്തിന്റെ വിവിധ പുസ്‌തകങ്ങള്‍ കേരളത്തിലെ പല സി. ബി. എസ്‌. ഇ., ഇംഗ്ലീഷ്‌ മീഡിയം സ്‌ക്കൂളുകളില്‍ മലയാളം പാഠപുസ്‌തകമായി പഠിപ്പിക്കുന്നുണ്ട്‌. ഇന്ത്യയിലും വിദേശത്തുമായി അനേകം ശിഷ്യഗണങ്ങള്‍ ആദരപൂര്‍വ്വം സ്‌മരിക്കുന്ന ദേവസ്യ സാറിന്‌ മലയാളഭാഷയുടെ അധ്യാപനത്തില്‍ സ്വന്തമായ ഒരു ശൈലിയുണ്ടായിരുന്നു. ദേവസ്യ സാറിന്റെ വേര്‍പാട്‌ അദ്ദേഹത്തിന്റെ സുഹൃത്തുക്കള്‍ക്കും ശിഷ്യഗണത്തിനും കുടുംബത്തിനും ഒരു തീരാനഷ്‌ടം തന്നെയാണ്‌. ഭാര്യ ചിന്നമ്മ കൊടുവേലി കാട്ടാംകോട്ടില്‍ കുടുംബാംഗമാണ്‌. മക്കള്‍ ജോഷി സെബാസ്റ്റ്യന്‍ (ന്യൂടെക്‌, തെക്കുംഭാഗം), ജെയ്‌സി, ജിന്‍സി. മരുമക്കള്‍ - ഷീബ, ബിജു പെട്ടേനാട്ട്‌ നെയ്യശ്ശേരി, റോയി കൊച്ചുപറബില്‍ വഴിത്തല
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ