കഴിഞ്ഞ അന്‍പത്‌ വര്‍ഷമായി ആതുരശുശ്രൂഷ രംഗത്ത്‌ തൊടുപുഴയില്‍ പ്രശസ്‌തമായ നിലയില്‍ പ്രവര്‍ത്തിച്ചുവരുന്ന ചാഴികാട്ട്‌ ആശുപത്രിയുടെ മദര്‍ ആന്റ്‌ ചൈല്‍ഡ്‌ വിഭാഗം റിവര്‍വ്യൂ റോഡിലുള്ള കെട്ടിടസമുച്ചയത്തിലേക്ക്‌ മാറ്റി പ്രവര്‍ത്തനം ആരംഭിക്കുമെന്ന്‌ ചെയര്‍മാന്‍ ആന്റ്‌ മാനേജിംഗ്‌ ഡയറക്‌ടര്‍ ഡോ. ജോസഫ്‌ സ്റ്റീഫന്‍, ജോയിന്റ്‌ മാനേജിംഗ്‌ ഡയറക്‌ടര്‍ ഡോ. സി.എസ്‌. സ്റ്റീഫന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. ബര്‍ത്ത്‌ സ്യൂട്ടോടു കൂടി ആധുനികവത്‌കരിച്ച ലേബര്‍ റൂം, നിയോനാറ്റല്‍ ഐസിയു, പുതിയ ഐ.പി ബ്ലോക്ക്‌ എന്നിവയുടെ ഉദ്‌ഘാടനം മാര്‍ച്ച്‌ 14 -ാം തീയതി വൈകന്നേരം നാലിന്‌ ജലവിഭവവകുപ്പ്‌ മന്ത്രി പി.ജെ. ജോസഫ്‌ നിര്‍വഹിക്കും. ചടങ്ങില്‍ കെ.കെ ജയചന്ദ്രന്‍ എം.എല്‍.എ, റോഷി അഗസ്റ്റിന്‍ എം.എല്‍.എ, ഇ.എസ്‌ ബിജിമോള്‍ എം.എല്‍.എ, എസ്‌.രാജേന്ദ്രന്‍ എം.എല്‍.എ, മുനിസിപ്പല്‍ ചെയര്‍മാന്‍ ടി.ജെ ജോസഫ്‌, മറ്റ്‌ ജനപ്രതിനിധികള്‍, സാമൂഹ്യസാംസ്‌കാരിക നേതാക്കള്‍ എന്നിവര്‍ പങ്കെടുക്കും. ഡോ. മീന സോമന്‍, ഡോ. വിനോദിനി, മാനേജര്‍ തമ്പി എരുമേലിക്കര എന്നിവരും വാര്‍ത്താസമ്മേളനത്തില്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ