2012, മേയ് 31, വ്യാഴാഴ്‌ച
ബിഎസ്‌എന്‍എല്‍ ലാന്‍ഡ്‌ ഫോണുകള്‍ ഉപഭോക്താക്കള്‍ക്ക്‌ ദുരിതമായി
യൂണിറ്റി ബുക്‌സ്‌ തൊടുപുഴയില്‍ പ്രവര്‍ത്തനം തുടങ്ങി
ചാവറ മാട്രിമോണിഡോട്ട്‌കോമിന്റെ പതിനൊന്നാമത്‌ ശാഖ തൊടുപുഴ മങ്ങാട്ടുകവല എംപീസ്‌ ടവറില്‍ പ്രവര്‍ത്തനം ആരംഭിച്ചു
2012, മേയ് 29, ചൊവ്വാഴ്ച
ആരക്കുഴയില്‍ വാഹനാപകടത്തില്‍ മരണമടഞ്ഞ പടി.കോടിക്കുളം വാഴക്കാല മാറാടികുന്നേല്‍ എംജെ ജോണിന്റെ ഭാര്യ ഡെയ്‌സി, മകന്‍ റോബിന്‍ എന്നിവരുടെ സംസ്‌കാരം വാഴക്കാല സെന്റ്‌ മേരീസ്‌ പള്ളിയില്‍
2012, മേയ് 28, തിങ്കളാഴ്‌ച
യൂണിയന്‍ ബാങ്ക്‌ മാനേജരെ പീഡന കേസില്‍പെടുത്തിയ സംഭവം എസ്.പി. എ.വി. ജോര്‍ജ്ജ്‌ നല്‍കിയ റിപ്പോര്‍ട്ടിന്റെ അടിസ്ഥാനത്തിലുള്ള സര്‍ക്കാര്‍ ഉത്തരവ്‌
2. അന്യായകാരി മൊഴിയില്‍ പറയുന്നതിന്‌ വിരുദ്ധമായി 25-7-2011, 26-7-2011 തീയതികളില്‍ സ്റ്റേഷനില്‍ ഉണ്ടായിരുന്നതായി മൊബൈല്‍ ലൊക്കേഷനില്‍ നിന്നും വ്യക്തമാകുന്നു.
3. ബാങ്ക്‌ മാനേജരായ പേഴ്‌സി ജോസഫിനെ 26-7-2011 ഉച്ചയ്‌ക്ക്‌ 1.30ന്‌ വിളിച്ച്‌ വരുത്തിയതായും മൊബൈല്‍ ഫോണ്‍ പിടിച്ച്‌ വാങ്ങി മൃഗീയമായി മര്‍ദ്ദിച്ചതായും രഹസ്യ അന്വേഷണത്തില്‍ വ്യക്തമാകുന്നുണ്ട്‌. മര്‍ദ്ദനമേറ്റതായി ആശുപത്രി രേഖകളില്‍ നിന്നും മൊബൈല്‍ വീഡിയോ ക്ലിപ്പിംഗില്‍ നിന്നും വ്യക്തമാകുന്നുണ്ട്‌.
4. യമുനയുടെ മൊഴിയില്‍ മാനേജര്‍ അപമര്യാദയായി പെരുമാറിയതായി പറയുന്നില്ല.
5. പ്രമീള എ.എസ്.പി.യുടെ പ്രീതി പിടിച്ച്‌ പറ്റുന്നതിനായി തന്നെ പറഞ്ഞയച്ച പ്രശ്‌നം സത്യമാണെന്ന വ്യാജേന അതിശയോക്തി കലര്‍ന്ന കളവായ മൊഴി നല്‍കി.
6. പോലീസ്‌ സേനയില്‍ ഒമ്പത്‌ വര്‍ഷം സര്‍വ്വീസ്‌ ഉള്ള അന്യായകാരി മൊഴിയില്‍ പറഞ്ഞപ്രകാരം അപമര്യാദയായ പെരുമാറ്റം ഉണ്ടായാല്‍ ടി വിവരം ഉടനടി മറ്റുള്ളവരെ അറിയിക്കുകയും അപ്പോള്‍ തന്നെ സ്റ്റേഷനില്‍ ഹാജരായി മൊഴി നല്‍കി കേസ്‌ എടുപ്പിക്കുമായിരുന്നുവെന്നും വ്യക്തമാണ്‌. എന്നാല്‍ പോലീസ്‌ നിര്‍ദ്ദേശപ്രകാരം സ്റ്റേഷനില്‍ സ്വയമേ ഹാജരായ ബാങ്ക്‌ മാനേജരെ മര്‍ദ്ദിച്ചതിനെ തുടര്‍ന്ന്‌ ടിയാള്‍ നിയമനടപടിയിലേക്ക്‌ നീങ്ങുമോ എന്നുള്ള ഭീതിയിലാണ്‌ സ്റ്റേഷനില്‍ കാലത്ത്‌ മുതല്‍ ഉണ്ടായിരുന്ന അന്യായക്കാരിയുടെ മൊഴി എടുത്ത്‌ അന്നേദിവസം കേസ്‌ രജിസ്റ്റര്‍ ചെയ്യുവാന്‍ ഇടവന്നത്‌. ടിയാളുടെ പരസ്‌പര വിരുദ്ധമായ മൊഴികളില്‍ നിന്നുതന്നെ ഇത് വ്യക്തമാകുന്നു.
7. പോലീസ്‌ സ്റ്റേഷനില്‍ മൂന്നാംമുറ പാടില്ലായെന്ന കര്‍ശന നിര്‍ദ്ദേശം നിലവില്‍ ഉണ്ടായിട്ടും ഒരു ദേശസാല്‍കൃത ബാങ്കിലെ സീനിയര്‍ മാനേജരെ വിളിച്ച്‌ വരുത്തി ഇതേരീതിയില്‍ വാസ്‌തവ വിരുദ്ധമായ കേസില്‍ പെടുത്തുകയും മൃഗീയമായ രീതിയില്‍ മര്‍ദ്ദിക്കുകയും വഴി പോലീസിന്റെ മേല്‍ പ്രവര്‍ത്തി തികച്ചും അന്യായമാണെന്ന്‌ വ്യക്തമാകുന്നു.
8. സ്റ്റേഷനില്‍ നിന്നും ജാമ്യം ലഭിക്കാമായിരുന്ന കുറ്റമായിട്ടുകൂടി ആയത്‌ നല്‍കാതെ പത്രമാധ്യമങ്ങളെ വിളിച്ച്‌ വരുത്തി ഫോട്ടോയും മറ്റും എടുപ്പിച്ചതും മജിസ്‌ട്രേറ്റിന്‌ മുന്നില്‍ ഹാജരാക്കിയതും നീതി നിഷേധമാണ്‌.
9. ബാങ്ക്‌ മാനേജര്‍ പേഴ്‌സി ജോസഫിന്‌ സ്വഭാവദൂഷ്യം ഉള്ളതായി പറയുന്നു എന്നത്‌ മൊഴിയായി നല്‍കാന്‍ ആരും തയ്യാറാകുന്നില്ല. മേല്‍പറഞ്ഞ റിപ്പോര്‍ട്ടുകളും മറ്റുരേഖകളും സര്‍ക്കാര്‍ വിശദമായി പരിശോധിച്ചു. ആയതില്‍ നിന്നും താഴെപറയുന്ന കാര്യങ്ങള്‍ വ്യക്തമാകുന്നു.
എ) ബാങ്ക്‌ മാനേജര്‍ മുഖ്യമന്ത്രിക്ക്‌ നല്‍കിയ പരാതിയില്‍ അന്വേഷണം നടത്തി ഇടുക്കി ജില്ല പോലീസ്‌ മേധാവി സമര്‍പ്പിച്ച റിപ്പോര്‍ട്ട്‌ ഏകപക്ഷീയവും വസ്‌തുതകള്‍ക്കും സത്യത്തിനും നിരക്കാത്തതാണ്‌. അന്വേഷണ ഉദ്യോഗസ്ഥന്‍ ലഭ്യമായ തെളിവുകള്‍ പരിശോധിക്കുകയോ ബന്ധപ്പെട്ട ആശുപത്രി രേഖകള്‍, സ്വതന്ത്ര സാക്ഷികള്‍ എന്നിവ പരിഗണിക്കുകയോ ചെയ്‌തിട്ടില്ല. ഒരു ദേശസാല്‍കൃത ബാങ്ക്‌ ആകുമ്പോള്‍ അവിടെ ദൈനംദിന പ്രവര്‍ത്തികള്‍ റിക്കോര്‍ഡ്‌ ചെയ്‌തു വെയ്‌ക്കപ്പെടും എന്ന സാമാന്യ തത്വം ജില്ലാപോലീസ്‌ മേധാവി ഉള്‍കൊണ്ടതുമില്ല. ആ ദിവസത്തെ സി.സി. ടി.വി. ദൃശ്യങ്ങള്‍ പരിശോധിച്ച്‌ ഒരു നിഗമനത്തില്‍ എത്തുവാന്‍ ശ്രമിക്കാതെ കീഴുദ്യോഗസ്ഥര്‍ നല്‍കിയ കളവായ മൊഴികള്‍ രേഖപ്പെടുത്തി തികച്ചും നിരുത്തരവാദപരമായാണ്‌ അന്വേഷണ റിപ്പോര്‍ട്ട്‌ സമര്‍പ്പിച്ചിരിക്കുന്നത്‌. ഇക്കാര്യം തന്നെ ചൂണ്ടിക്കാണിച്ച്‌ മനുഷ്യാവകാശ കമ്മീഷന്‍ 26-12-2011 ലെ ഉത്തരവിന്റെ അടിസ്ഥാനത്തില്‍ ജില്ലാ പോലീസ്‌ മേധാവി സമര്‍പ്പിച്ച റിപ്പോര്‍ട്ട്‌ നിരാകരിച്ച്‌ ഉത്തരവായിട്ടുണ്ട്‌.
ബി) ഈ സംഭവങ്ങള്‍ക്ക്‌ ആസ്‌പദമായ വിഷയം ഇത്രയും കലുഷിതമായതും ഒരു ദേശസാല്‍കൃത ബാങ്കിലെ സീനിയര്‍ മാനേജര്‍ക്ക്‌ പോലീസില്‍ നിന്നും അതിക്രൂരമായി മര്‍ദ്ദനമേല്‍ക്കുന്നതിനും വസ്‌തുതകള്‍ക്ക്‌ നിരക്കാത്ത രീതിയില്‍ ടിയാന്‌ എതിരെ വാസ്‌തവ വിരുദ്ധമായി കേസ്‌ ചാര്‍ജ്ജ്‌ ചെയ്യുവാന്‍ ഇട വന്നതും തൊടുപുഴ എ.എസ്.പി.യുടെ പക്വതയില്ലാത്ത പെരുമാറ്റം കൊണ്ടാണെന്ന്‌ വ്യക്തമാകുന്നു. സമൂഹത്തിലെ അറിയപ്പെടുന്ന വ്യക്തിയും ദിനംപ്രതി പൊതുജനങ്ങളുമായും ഉദ്യോഗസ്ഥരുമായും ഇടപെടുന്നതുമായ ഒരു സീനിയര്‍ മാനേജരുടെ പേരില്‍ ഇത്തരം ഒരു ആരോപണം വന്നപ്പോള്‍ അതിന്റെ നിജസ്ഥിതിയെ പറ്റി വ്യക്തമായി അന്വേഷിക്കാതെ കേവലം ഒരു ഡബ്ല്യ.സി.പി.ഒ.യുടെ വ്യാജ മൊഴിയില്‍ വിശ്വസിച്ച്‌ ബാങ്ക്‌ മാനേജരെ അതിക്രൂരമായി മര്‍ദ്ദിക്കുവാന്‍ ഇടയാക്കിയത്‌ എ.എസ്.പി.യുടെ പിടിപ്പ്‌ കേടുകൊണ്ടാണ്‌. ഇവിടെയും ബാങ്കിലെ ദൈനംദിന പ്രവര്‍ത്തികള്‍ റിക്കോര്‍ഡ്‌ ചെയ്യുന്ന ആധുനിക ഇലക്‌ട്രോണിക്‌ മാധ്യമങ്ങളുടെ വിവരം തേടാനുള്ള ബുദ്ധിപോലും എ.എസ്.പി. കാണിച്ചിട്ടില്ല.
സി) എ.എസ്.പി. മുമ്പാകെ വ്യജവും അസത്യവും ഒരു ഉന്നത ബാങ്ക്‌ ഉദ്യോഗസ്ഥനെ അപകീര്‍ത്തി പെടുത്തുന്ന രീതിയിലുള്ളതുമായ കെട്ടുകഥ ചമയ്‌ക്കുക വഴി പോലീസ്‌ സേനയെ മൊത്തത്തില്‍ അപകീര്‍ത്തി പെടുത്തുവാന്‍ വഴിയുണ്ടാക്കിയ ഡബ്ല്യു.സി.പി.ഒ. പ്രമീള എല്ലാ അര്‍ത്ഥത്തിലും അച്ചടക്ക സേനയിലെ ഒരു ഉദ്യോഗസ്ഥയായി തുടരാന്‍ അര്‍ഹതയില്ലാത്തതാണ്‌. പോലീസ്‌ സേനയില്‍ ഒമ്പത്‌ വര്‍ഷം സേവന ചരിത്രമുള്ള പ്രമീള കള്ളമാണെന്ന അറിവോടുകൂടി വ്യാജമൊഴികള്‍ പരസ്‌പര വിരുദ്ധമായി അന്വേഷണ ഉദ്യോഗസ്ഥന്‍ മുമ്പാകെ നല്‍കിയതും, പരാമര്‍ശ ദിവസങ്ങളില്‍ സ്റ്റേഷനില്‍ ഉണ്ടായിട്ടും ഇല്ലായിരുന്നുവെന്ന വ്യാജ പ്രസ്‌താവന നല്‍കിയതും ഗുരുതരമായ കൃത്യവിലോപവും അച്ചടക്ക നടപടിയും അര്‍ഹിക്കുന്നതാണ്‌.
ഡ) അന്വേഷണ ഉദ്യോഗസ്ഥര്‍ മുമ്പാകെ വ്യാജമൊഴി നല്‍കുകയും തെറ്റായ വിവരങ്ങള്‍ ഉള്‍പ്പെടുത്തി ബാങ്ക്‌ മാനേജരായ പരാതിക്കാരന്‌ എതിരെ വാസ്‌തവ വിരുദ്ധമായ കേസ്‌ രജിസ്റ്റര്‍ ചെയ്യുക, മര്‍ദ്ദിക്കുക, മാധ്യമപ്രവര്‍ത്തകരെ വിളിച്ചുവരുത്തി ഒരാളെ അപകീര്‍ത്തിപ്പെടുത്തുന്ന രീതിയില്‍ പെരുമാറുക, സ്റ്റേഷനില്‍ നിന്നും ജാമ്യം നല്‍കാവുന്ന കേസ്‌ ആയിട്ടുകൂടി ആയത്‌ നല്‍കാതിരിക്കുക എന്നിവ ചെയ്ത എസ്.ഐ. മുരളീധരന്‍ നായര്‍ ഗുരുതരമായ കൃത്യവിലോപവും അച്ചടക്കരാഹിത്യവും പ്രവര്‍ത്തിക്കുക വഴി പോലീസ്‌ സേനയ്‌ക്ക്‌ കളങ്കം വരുത്തുന്ന പ്രവര്‍ത്തി ചെയ്‌തതിനാല്‍ അച്ചടക്ക നടപടിക്ക്‌ അര്‍ഹനാണ്‌.
ഇ) ലഭ്യമായ തെളിവുകളില്‍ നിന്നും പേഴ്‌സി ജോസഫ്‌ യൂണിയന്‍ ബാങ്ക്‌ മാനേജര്‍ക്ക്‌ അതിക്രൂരവും മൃഗീയവുമായ രീതിയില്‍ മര്‍ദ്ദനമേറ്റതായി വ്യക്തമാകുന്നു. അന്വേഷണ ഉദ്യോഗസ്ഥര്‍ മുമ്പാകെ എ.എസ്.പി. ഉള്‍പ്പടെയുള്ള പോലീസ്‌ ഉദ്യോഗസ്ഥര്‍ മര്‍ദ്ദിച്ചിട്ടില്ലായെന്ന മൊഴി നല്‍കിയാലും ആശുപത്രി രേഖകളും ടിയാള്‍ക്ക്‌ പോലീസ്‌ മെഡിക്കല്‍ പരിശോധനയ്‌ക്കായി ആശുപത്രയില്‍ വിട്ടപ്പോള്‍ അവിടെ നിന്ന്‌ നല്‍കിയ ചികിത്സാരീതിയും ശരീരത്ത്‌ മര്‍ദ്ദനമേറ്റ പാടുകളും പോലീസ്‌ മൂന്നാമുറ പ്രയോഗിച്ചു എന്നതിന്‌ തെളിവാണ്‌. ആയതിനാല്‍ എ.എസ്.പി.യും ടി ഉദ്യോഗസ്ഥയുടെ കൂടെ അന്നേദിവസം ഡ്യൂട്ടിയില്‍ ഉണ്ടായിരുന്ന നാല്‌ പോലീസുകാരും ഇതില്‍ കുറ്റാരോപിതരാണ്‌. ഗുരുതരമായ അച്ചടക്ക ലംഘനവും ക്രിമിനല്‍ കുറ്റവുമാണ്‌ അവര്‍ ചെയ്‌തിരിക്കുന്നത്‌.
മേല്‍പ്പറഞ്ഞ വസ്‌തുതകളുടെയും കണ്ടെത്തലുകളുടെയും അടിസ്ഥാനത്തില്‍ സര്‍ക്കാര്‍ താഴെ പറയുംവിധം ഉത്തരവാകുന്നു.
എ) എസ്.ഐ. കെ.വി. മുരളീധരന്‍ നായര്‍, ഡബ്ല്യു.സി.പി.ഒ. പ്രമീള, തൊടുപുഴ എ.എസ്.പി. ഓഫീസില്‍ 26-7-2011 ന്‌ ഡ്യൂട്ടിയില്‍ ഉണ്ടായിരുന്ന മറ്റു നാല്‌ പോലീസുകാര്‍ എന്നിവരെ അച്ചടക്ക നടപടിക്ക്‌ വിധേയമായി ഉടന്‍ തന്നെ സര്‍വ്വീസില്‍ നിന്നും മാറ്റി നിര്‍ത്തേണ്ടതാണ്‌. സംസ്ഥാന പോലീസ്‌ മേധാവി ഇവര്‍ക്കെതിരെ വകുപ്പുതല അച്ചടക്ക നടപടി സ്വീകരിച്ച്‌ സമയബന്ധിതമായി നടപടി റിപ്പോര്‍ട്ട്‌ സര്‍ക്കാരിന്‌ സമര്‍പ്പിക്കേണ്ടതാണ്‌.
ബി) സംസ്ഥാന പോലീസ്‌ മേധാവി, പേഴ്‌സിക്കെതിരെ പോലീസ്‌ രജിസ്റ്റര്‍ ചെയ്ത ക്രൈം കേസ്‌ നമ്പര്‍ 1074/2011 ഡി.വൈ.എസ്.പി.യില്‍ കുറയാത്ത റാങ്കിലുള്ള ഒരു ഉദ്യോഗസ്ഥനെ കൊണ്ട്‌ അന്വേഷണം നടത്തി രണ്ട്‌ മാസത്തിനകം റിപ്പോര്‍ട്ട്‌ സര്‍ക്കാരിന്‌ സമര്‍പ്പിക്കേണ്ടതാണ്‌.
സി) ഒരു ബാങ്ക്‌ മാനേജര്‍ക്കെതിരെ വാസ്‌തവ വിരുദ്ധമായ കാര്യത്തില്‍ കേസ്‌ ചാര്‍ജ്ജ്‌ ചെയ്യാന്‍ ഇടവരുത്തുകയും ടിയാനെ മൃഗീയമായി മര്‍ദ്ദിക്കുന്നതിന്‌ നേതൃത്വം കൊടുക്കുകയും വഴി തൊടുപുഴ എ.എസ്.പി. നിഷാന്തിനി പോലീസ്‌ സേനയ്‌ക്ക്‌ കളങ്കം വരുത്തുകയാണ്‌ ചെയ്‌തിട്ടുള്ളത്‌. ടിയാള്‍ക്ക്‌ എതിരെ അച്ചടക്ക നടപടി പൊതുഭരണ വകുപ്പ്‌ സ്വീകരിക്കുന്നതാണ്‌.
ഡി) പോലീസ്‌ സേനയ്‌ക്ക്‌ ആകെ കളങ്കം വരുത്തുകയും മാധ്യമ ശ്രദ്ധ പിടിച്ച്‌ പറ്റുകയും ചെയ്ത ഒരു കേസില്‍ മുഖ്യമന്ത്രി അന്വേഷണത്തിനായി നല്‍കിയ പരാതിയില്‍ വ്യക്തമായ അന്വേഷണം നടത്താതെയും സാക്ഷ്യമൊഴികള്‍ എടുക്കാതെയും തെളിവുകള്‍ ശേഖരിക്കാതിരിക്കുകയും വഴി കുറ്റവാളികളായ പോലീസ്‌ ഉദ്യോഗസ്ഥരെ സംരക്ഷിക്കുന്നവിധത്തില്‍ തെറ്റായ അന്വേഷണ റിപ്പോര്‍ട്ട്‌ സര്‍ക്കാരിനും മനുഷ്യാവകാശ കമ്മീഷനും നല്‍കുകയും, മനുഷ്യാവകാശ കമ്മീഷന്‍ ടി റിപ്പോര്‍ട്ട്‌ നിരാകരിച്ചുകൊണ്ട്‌ ഉത്തരവാകാന്‍ ഇടയാകുകയും ചെയ്ത സാഹചര്യം സൃഷ്‌ടിക്കാന്‍ ഇടയാക്കിയ ഇടുക്കി ജില്ലാപോലീസ്‌ മേധാവി ജോര്‍ജ്ജ്‌ വര്‍ഗീസിനെതിരെ അച്ചടക്ക നടപടി പൊതുഭരണ വകുപ്പ്‌ സ്വീകരിക്കുന്നതാണ്‌.
ഇ) മേലില്‍ ഇത്തരം അധികാര ദുര്‍വിനിയോഗം ഒഴിവാക്കുവാന്‍ സംസ്ഥാന പോലീസ്‌ മേധാവി കര്‍ശന നടപടികള്‍ സ്വീകരിക്കേണ്ടതാണ്‌.
ഗവര്‍ണറുടെ ഉത്തരവിന്‍ പ്രകാരം,
സാജന്‍ പീറ്റര്‍
പ്രിന്‍സിപ്പല്‍ സെക്രട്ടറി
2012, മേയ് 26, ശനിയാഴ്‌ച
സിപിഎം ഇടുക്കി ജില്ലാ സെക്രട്ടറി എം.എം.മണി മണക്കാട്‌ രാഷ്‌ട്രീയവിശദീകരണയോഗത്തില്‍ പ്രസംഗിച്ചതിന്റെ ഫുള്‍ടെസ്റ്റ്‌.....
നൂറുക്കണക്കിനു വീടുകള്‍ക്കും ആയിരക്കണക്കിനു ആളുകള്‍ക്കും ഒഞ്ചിയത്ത്‌ നാശനഷ്‌ടം ഉണ്ടായി. അനവധി കോടിരൂപ നഷ്‌ടം. പോലീസ്‌ അവിടെ നിശബ്‌ദം. റെവ്യൂഷനറിക്കാരും കോണ്‍ഗ്രസും യുഡിഎഫും ഞങ്ങളുടെ ആളുകളുടെ വീടുകളും സ്വത്തുകളും തകര്‍ത്തു.ഇതിനെല്ലാം ഉത്തരംപറയേണ്ടിവരും. ഇതിനെല്ലാം വിടുപണി ചെയ്തത് ആഭ്യന്തരമന്ത്രിയുടെ ചെരുപ്പു നക്കുന്ന പോലീസുകാരാണ്‌. നിന്നെയൊന്നും വെറുതെ വിടില്ല. നീയെല്ലാം ഉത്തരം പറയേണ്ടി വരും. ഞങ്ങളെ ഒരു കുന്തവും ചെയ്യില്ല. ചെയ്‌താല്‍ ചെയ്‌തെന്ന്‌ പറയും. കേസ്‌ എങ്ങനെയുണ്ടാകുന്നതെന്ന്‌ എനിക്കറിയാം. ഞാനൊരു പത്തിയിരൂന്നൂറ്‌ കേസില്‍ പ്രതിയായിട്ടുണ്ട്‌. തോട്ടം സമരത്തിനാണ്‌. എന്നെ പ്രതിയാക്കിയതു ഞാന്‍ വഴിയെ പോകാത്ത കേസിലും. എന്റെ പേര് ഒന്നാം നമ്പരാണ്‌. ഒന്നാം പ്രതിയാണ്‌. പോലീസ്‌ കേസെടുക്കുന്നതു തോട്ടമുടമകളുടെ പണം കൈപ്പറ്റിയാണ്‌. എന്നെ ഒന്നും ഒരു കേസിലും ശിക്ഷിച്ചിട്ടില്ല. അതെല്ലാം നിയമപരമായി എങ്ങനെ കൈകാര്യം ചെയ്യണമെന്ന്‌ ഞങ്ങള്‍ക്ക്‌ നന്നായി അറിയാം.
ലക്ഷക്കണക്കിനു പേരെ കൊന്നു കുഴിച്ചുമൂടിയവരാണ്‌ ചന്ദ്രശേഖരന്റെ പേര് പറഞ്ഞ്‌ മനസ്‌തപിക്കാന്‍ വന്നിരിക്കുന്നത്‌. ഞങ്ങളിത്‌ ഇത് വെറും പൂട പോലെയാണു കാണുന്നത്‌. അല്ല കണ്ടോ. ഞങ്ങളുടെ എല്ലാം പാര്‍ട്ടി പിരിച്ചുവിടുമെന്നാണ്‌ ഉമ്മന്‍ചാണ്ടിയും മറ്റാവന്‍മാരും ആവര്‍ത്തിക്കുന്നത്‌. കളി തുടങ്ങാന്‍ പോകുന്നതേയുള്ളൂ.ഞങ്ങള്‍ വെറും നിരപരാധി. ഇവരെ കൊല്ലുന്നവരെ കൊല്ലാന്‍ കഴിഞ്ഞിട്ടില്ല. ഞങ്ങളുടെ ബഷീറിനെ വെട്ടികൊന്നവനെയല്ലേ കോണ്‍ഗ്രസുകാര്‍ രക്ഷിച്ചത്‌. നെടുങ്കണ്ടത്ത്‌ അനീഷ്‌ രാജിനെ കോണ്‍ഗ്രസ്‌ കപാലികരാണ്‌ , പി.ടി.തോമസിന്റെ അനുയായികളാണ്‌ കുത്തി കൊന്നത്‌. കേസ്‌ പോലും കൈകാര്യം ചെയ്‌തില്ല. എന്നിട്ടാണു ചന്ദ്രശേഖരന്റെ കാര്യം. ചന്ദ്രശേഖരനൊക്കെ ജീവിച്ചു തീരാറായി ആളാണ്‌. ഇതോ 22 കാരന്‍. സഹാനുഭൂതി ഇവിടെയാണു വേണ്ടത്‌. അതു കൊണ്ടു ന്യായമൊന്നും പറയണ്ട. ഞങ്ങള്‍ക്കറിയാം. പീരുമേട്ടില്‍ അയ്യപ്പദാസിനെ കൊന്നു. 38 വയസുള്ള ചെറുപ്പക്കാരന്‍. കല്യാണം പോലും കഴിക്കാത്തവന്‍. ഏരിയകമ്മിറ്റി അംഗമായിരുന്നു. വെട്ടി വെട്ടി കൊന്നു. ഉമ്മന്‍ചാണ്ടിയുടെ ആളുകള്‍. ഉമ്മന്‍ചാണ്ടിയുടെ നേരിട്ട്‌ ബന്ധുക്കാരനായിരുന്നു ബാലു. അതിനു തിരിച്ചടിച്ചു. 1982ല്‍ ഞങ്ങള്‍ എന്തെല്ലാം കാണിച്ചു. ശാന്തന്‍പാറ, രാജാക്കാട്‌ മേഖലയില്‍ കോണ്‍ഗ്രസും പോലീസും പോലീസ്‌ ഗുണ്ടകളും തോക്കുമായി എസ്റ്റേറ്റുകളില്‍ പോയി യൂണിയന്‍ രാജി വെപ്പിച്ചു ഐഎന്‍ടിയുസി ഉണ്ടാക്കിച്ചു. നൂറുക്കണക്കിനു കേസ്‌ ഞങ്ങള്‍ക്കുമേല്‍. മത്തായി എന്നു പറയുന്ന ഒരു വായ്‌നോക്കി എസ്‌ഐ അവിടെ. ജില്ലാ പോലീസ്‌ സൂപ്രണ്ട്‌ മറ്റൊരു വായ്‌നോക്കി. അഭ്യന്തരമന്ത്രി ഒരു വായ്‌നോക്കി വയലാര്‍രവി. ഇവര്‍ ചെയ്‌തതാണ്‌. ഞാനൊരു പ്രസ്‌താവന ഇറക്കി. 13 പേര്. വണ്‍, ടൂ, ത്രി, ഫോര്‍. ആദ്യത്തെ മൂന്നുപേരെ ആദ്യം കൊന്നു. വെടിവെച്ചാണു കൊന്നത്‌ ഒന്നിനെ. ഒന്നിനെ കുത്തി കൊന്നു. ഒന്നിനെ തല്ലിക്കൊന്നു. മനസിലായില്ലേ, ഒന്നാം പേരുകാരനെ ആദ്യം വെടിവച്ച്‌. രണ്ടാം പേരുകാരനെ കുത്തിക്കൊന്ന്‌. മൂന്നാം പേരുകാരനെ തല്ലിക്കൊന്ന്‌. അതോടുകൂടി ഖദര്‍ വലിച്ചിട്ട്‌ കോണ്‍ഗ്രസുകാര്‍ അവിടെ നിന്നു ഊളിയിട്ടു. പിന്നെ കുറച്ചുനാളത്തേക്കു ഞാനി ഖദറും ഇട്ടോട്ടു നടന്നോട്ടെ എന്നു ചോദിക്കുമായിരുന്നു. കാരണം എന്താ അടിപേടിച്ച്‌. അതു കൊണ്ട്‌ ഞങ്ങളെ ഒരുമാതിരി വെടിക്കൊട്ടുകാരന്റെ പട്ടിയെ ഉടുക്കു കൊട്ടി പേടിപ്പിക്കാനൊന്നും ആരും നോക്കേണ്ട. ഞങ്ങളിതെല്ലാം കുറെ കണ്ടതാണ്‌. കാരണം കൈകാര്യം ചെയ്ത ശീലമുണ്ട്. എന്തെല്ലാമാണ്‌ ഇവിടെ പറയുന്നത്‌. ചന്ദ്രശേഖരന്റെ മരണമെന്നുവച്ചാല്‍ ഇതിനുമുമ്പുവരെ ഇവിടെആരെയും കൊന്നിട്ടില്ല.
അഴിക്കോടന്‍ രാഘവന്‍ ജ്വലിക്കുന്ന രക്തസാക്ഷി. കോണ്‍ഗ്രസുകാരും നക്‌സലേറ്റുകാരും കൂടി കൊന്നില്ലേ. അന്നൊന്നുമില്ലാത്ത ആവേശമാണ്‌ ചന്ദ്രശേഖരന്റെ കാര്യത്തില്‍. ഗാന്ധിജി പോലും തോറ്റുപോകുന്ന വിപ്ലവം. വീരേന്ദ്രകുമാര്‍ എന്നു പറയുന്ന ഒരുത്തനുണ്ട്‌. കൂലിക്ക്‌ ആളെ വച്ചു എഴുതിക്കുകയാണ്‌. എന്നിട്ടു പുരസ്‌കാരം വാങ്ങിക്കുകയാണ്‌. വെറൊരുത്തിയുണ്ട്‌. ബംഗാളില്‍ നിന്നുവന്ന മഹതി. ജ്ഞാനപീഠം ജേതാവ്‌. ഇപ്പോഴും ബംഗാളില്‍ ആളുകളെ കൊല്ലുമ്പോള്‍ പ്രതികരിക്കാത്തവള്‍ കോഴിക്കോട്ടേക്കുവന്നാണ്‌ പ്രതികരിക്കുന്നത്‌. ഞങ്ങള്‍ അംഗീകരിക്കില്ല. തൊട്ടു,കണ്ടു, എന്നൊക്കെ പറഞ്ഞ്‌ വല്ലവരെയും പിടിക്കാതെ ചന്ദ്രശേഖരനെ കൊന്നവരെയാണ്‌ പിടിക്കേണ്ടത്‌. അതൊന്നും ചെയ്യാതെ ഞങ്ങളെ ഒതുക്കി കളയാനാണ്‌ പരിപാടിയെങ്കില്‍ അങ്ങനെ ഒതുങ്ങുന്നതല്ല. ഞങ്ങള്‍ പലതും ചെയ്യും. അന്നേരം നിയമമൊന്നും പറഞ്ഞ്‌ ഞങ്ങളെ നേരെ വരരുത്‌. മാര്‍ക്‌സിസ്റ്റുകാര്‍ അക്രമം നടത്തുന്നുണ്ടെന്ന്‌ പറയാന്‍ ഇടയാക്കരുത്‌. ഇവിടെ സമാധാനപരമായി പോകേമെന്നുള്ളൂ ഞങ്ങള്‍. അതു കൊണ്ടു ഇതൊന്നും ഞങ്ങള്‍ക്ക്‌ ബാധകമല്ല.
അവിടെ പ്രതിപക്ഷനേതാവ്‌ വി.എസ് പോയി. പോകേണ്ട കാര്യമില്ലായിരുന്നുവെന്നാണ്‌ എനിക്ക്‌ തോന്നുന്നത്‌. ഉത്തമനായ കമ്യൂണിസ്റ്റാണെന്നു പറഞ്ഞ്‌ പ്രസ്‌താവനയിറക്കിരിക്കുന്നു. പാര്‍ട്ടി പൊളിക്കാന്‍ നടക്കുന്നവനാണോ ഉത്തമ കമ്യൂണിസ്റ്റ്‌. ഇതിനോടൊന്നും യോജിപ്പില്ല. അക്രമം നടത്തുകയും പാര്‍ട്ടി വിട്ടു പോകുന്നവരെയും കൊല്ലുന്നതു ഞങ്ങളുടെ പരിപാടിയല്ല. അതേ സമയം ഞങ്ങളെ കൈകാര്യം ചെയ്‌താല്‍ തിരിച്ചടിക്കും. ശേഷിയുള്ളിടത്ത്‌ അതനുസരിച്ചു ചെയ്യും. ശേഷി കുറഞ്ഞിടത്ത്‌ പ്രതിഷേധിക്കും. പിന്നെ തീരെ വയ്യെന്ന്‌ വരികയാണെങ്കില്‍ വെളിയില്‍ നിന്നു ആളെ കൊണ്ടുവന്നു തല്ലേണ്ടി വരും. ഞങ്ങളെ തേജോവധം ചെയ്യാന്‍ പാര്‍ട്ടിയെ തകര്‍ക്കാന്‍ ഗൂഢാലോചന നടത്തി കൊലക്കേസ്‌ ഞങ്ങളുടെ തലയില്‍ കെട്ടിവച്ചാല്‍ സര്‍വശക്തിയെടുത്ത്‌ അതിനെ എതിര്‍ക്കും. ആര്‍ക്കും സംശയം വേണ്ട. ഇയ്‌ക്കിടെ മുന്നണിയില്‍ നിന്നും ഞങ്ങള്‍ക്കിട്ട്‌ പണിയുന്നവര്‍. സിപിഐ ഉള്‍പ്പെടുന്ന നേതൃത്വത്തില്‍ 375 പേരെ കൊന്നു. പന്ന്യന്‍ രവീന്ദ്രനും സഖാക്കളും ഇതൊക്കെ മറന്നോ? ആയിരക്കണക്കിനു കമ്യൂണിസ്റ്റുകാരെ കൊന്ന കപാലികരായ കോണ്‍ഗ്രസുകാരാണ്‌ ചന്ദ്രശേഖരന്റെ പേരില്‍ മുതലക്കണ്ണീര്‍ പൊഴിക്കുന്നത്‌.
പത്രക്കാര്‍ എഴുതുകയാണ്‌. വി.എസ്, പ്രകാശ് കാരാട്ടിനു കത്തെഴുതി. ആദ്യം കത്തില്‍ ഉള്ളടക്കമില്ല. ഉള്ളടക്കം അവര്‍ എഴുതി. വി,എസ് അത്‌ തിരുത്തി കൊടുക്കേണ്ടതായിരുന്നു. അതുണ്ടായില്ല. അതു കഴിഞ്ഞയുടന്‍ രമേശ് ചെന്നിത്തല പറയുകയാണ്‌, വി.എസ് പാര്‍ട്ടി വിട്ടു വരുമെന്ന്‌. കമബൂണിസ്റ്റ്‌ പാര്‍ട്ടിയില്‍ പ്രവര്‍ത്തിച്ച്‌ എല്ലാ ആനുകൂല്യവും പറ്റിയ നേതാവിനോടു വാ. വാ. വാ എന്നു പറയുമ്പോള്‍ ഇതിനോടു പ്രതികരിക്കേണ്ടത്‌ ഞാനാണോ?. അതിനു മര്യാദകാണിക്കേണ്ടത്‌ സഖാവ്‌ വി.എസാണ്‌. പ്രതികരിക്കാത്തത്‌ നിര്‍ഭാഗ്യകരമാണ്‌. പ്രതികരിക്കുമെന്ന്‌ ഞങ്ങള്‍ പ്രതിക്ഷിച്ചു. ഇനിയാണെങ്കിലും പ്രതികരിക്കുമെന്നാണ്‌ പ്രതീക്ഷ. കണ്ണൂര്‍ ലോബിയെന്ന്‌ പറഞ്ഞ്‌ പത്രക്കാര്‍ ഞങ്ങളെ പേടിപ്പിക്കേണ്ട. ഏതു പ്രതിസന്ധിയുണ്ടായാലും ശരിയായ നിലപാട്‌ സ്വീകരിക്കുന്ന ആളാണ്‌ പാര്‍ട്ടി സെക്രട്ടറി പിണറായി വിജയന്‍. പാഴായ വാക്കുകള്‍ പറയാറില്ല. ഉപയോഗിക്കാറില്ല. കൃത്യമായി പ്രതികരിക്കും. പറഞ്ഞാല്‍ പിന്‍വലിക്കില്ല. അതാണ്‌ പാര്‍ട്ടി സെക്രട്ടറി.
തൊടുപുഴ വാര്‍ത്തകളിലൂടെ ഒരെത്തിനോട്ടം: കൊല്ലേണ്ടവരെ കൊന്ന് ശീലമുണ്ട്: എം.എം മണി
തൊടുപുഴ വാര്‍ത്തകളിലൂടെ ഒരെത്തിനോട്ടം: കൊല്ലേണ്ടവരെ കൊന്ന് ശീലമുണ്ട്: എം.എം മണി: തൊടുപുഴ: രാഷ്ട്രീയ പ്രതിയോഗികളെ കൈകാര്യം ചെയ്തും വകവരുത്തിയും സി.പി.എമ്മിന് ശീലമുണ്ടെന്ന് പാര്‍ട്ടി ഇടുക്കി ജില്ലാ സെക്രട്ടറി എം.എം മണി...
കൊല്ലേണ്ടവരെ കൊന്ന് ശീലമുണ്ട്: എം.എം മണി
ശാന്തന്‍പാറയില്‍ പാര്‍ട്ടിക്കെതിരെ പ്രവര്‍ത്തിച്ചവരെ പട്ടിക തയാറാക്കിയാണ് വകവരുത്തിയത്. വെടിവെച്ചും തല്ലിയും കുത്തിയും കൊന്നു. ആദ്യത്തവനെ വെടിവെച്ചുകൊന്നു. ഒരാളെ തല്ലിക്കൊന്നു. മറ്റൊരുത്തനെ കുത്തിക്കൊന്നു. അതോടെ കോണ്‍ഗ്രസുകാര്‍ അവിടെനിന്ന് ഖദറും വിട്ട് ഊളയിട്ടു. സഖാക്കളെ കൊന്ന എല്ലാവരോടും പ്രതികാരം ചെയ്യാന്‍ സാധിച്ചിട്ടില്ല. അതുകൊണ്ട് വെടിക്കെട്ടുകാരന്റെ പട്ടിയെ ഉടുക്കുകൊട്ടി പേടിപ്പിക്കേണ്ട എന്ന് പറയുന്നതുപോലെ ഞങ്ങളെ പേടിപ്പിക്കാന്‍ നോക്കേണ്ട. തൊടുപുഴയില്‍ പൊതുചടങ്ങില്‍ സംസാരിക്കുമ്പോഴായിരുന്നു മണിയുടെ വിവാദ പരാമര്‍ശങ്ങള്‍. കൊന്നാല്‍ കൊന്നെന്ന് പറയാന്‍ പാര്‍ട്ടിക്ക് മടിയില്ലെന്നും അദ്ദേഹം പറഞ്ഞു.
ടി.പി ചന്ദ്രശേഖരന്‍ വധക്കേസ് ചൂണ്ടിക്കാട്ടി കേരളത്തില്‍ ഇത് ആദ്യത്തെ കൊലയൊന്നുമല്ലല്ലോ എന്ന് മണി പറഞ്ഞു. ടി.പി ചന്ദ്രശേഖരന്‍ ഉത്തമനായ കമ്യൂണിസ്റ്റാണെന്ന് വി.എസ് പറഞ്ഞത് ശരിയായില്ല. ചന്ദ്രശേഖരന്റെ സംസ്‌കാര ചടങ്ങില്‍ വി.എസ് പങ്കെടുത്തത് ശരിയല്ല. പാര്‍ട്ടിയെ പൊളിക്കാന്‍ നടക്കുന്നവര്‍ എങ്ങനെ ഉത്തമനായ കമ്യൂണിസ്റ്റാകും-അദ്ദേഹം ചോദിച്ചു.
ടി.പി വധത്തില്‍ പാര്‍ട്ടിക്ക് പങ്കില്ല. വി.എസ് തിരുത്താത്ത തെറ്റാണ്. കേന്ദ്രനേതൃത്വത്തിന് വി.എസ് അയച്ചുവെന്ന് പറയുന്ന വ്യാജ കത്തിനെ തിരുത്താന്‍ അദ്ദേഹം തയാറായില്ല. വി.എസ് സി.പി.എം വിട്ട് വരണമെന്ന് രമേശ് ചെന്നിത്തലയും കെ.എം മാണിയും സ്വാഗതം ചെയ്യുന്നു. വി.എസ് ഇതിനോട് പ്രതികരിക്കാത്തതും തെറ്റ്. ഗാന്ധിയെക്കാള്‍ വലിയ മഹാനായി ടി.പിയെ സി.പി.ഐ അടക്കമുള്ളവര്‍ കാണുന്നു.
രാഷ്ട്രീയ പ്രതിയോഗികളെ ആശയപരമായിട്ടാണ് സി.പി.എം നേരിടാറുള്ളതെന്ന് പ്രകാശ് കാരാട്ട് അടക്കമുള്ളവര്‍ ആവര്‍ത്തിക്കുമ്പോഴാണ് പാര്‍ട്ടിയുടെ ഒരു ജില്ലാ സെക്രട്ടറി തന്നെ പ്രതിയോഗികളെ വകവരുത്തി ശീലമുണ്ടെന്ന് പരസ്യമായി പറയുന്നത്‌
2012, മേയ് 24, വ്യാഴാഴ്‌ച
പോലീസ്‌ സേന സാമൂഹിക വിരുദ്ധര്‍ക്ക്‌ ഒത്താശ ചെയ്‌തു; ജനം നടുറോഡില്‍ കുടുങ്ങി
ജനം നടുറോഡില്‍ കുടുങ്ങി
തൊടുപുഴ : ഹര്‍ത്താലിന്റെ മറവില്‍ ഇടുക്കി ജില്ലയില്‍ വിവിധ സ്ഥലങ്ങളില്‍ സാമൂഹിക വിരുദ്ധര്‍ അഴിഞ്ഞാടി. ജനങ്ങള്‍ക്ക്‌ സംരക്ഷണം നല്‍കേണ്ട പോലീസ്‌ ആകട്ടെ മദ്യലഹരിയില്‍ റോഡില്‍ കുഴപ്പങ്ങള്‍ സൃഷ്‌ടിച്ചവര്‍ ഹര്‍ത്താല്‍ അനുകൂലികളാണെന്ന രീതിയില്‍ അവര്‍ക്ക്‌ സംരക്ഷണം നല്‍കുകയായിരുന്നത്രേ. ഇതേസമയം ഹര്‍ത്താല്‍ അനുകൂലികള്‍ രാവിലെ പ്രകടനം നടത്തിയതല്ലാതെ വാഹനം തടയാന്‍ ശ്രമിച്ചില്ല. പക്ഷേ കുറുവടിയും അക്രമ ലക്ഷണവുമായി ആര് റോഡില്‍ ഇറങ്ങിയാലും പോലീസ്‌ അവര്‍ക്ക്‌ സല്യൂട്ട്‌ ചെയ്യുകയായിരുന്നു. ഹര്‍ത്താലാണെങ്കില്‍ ഏത്‌ കള്ള്‌ കുടിയനും പോലീസ്‌ സംരക്ഷണയില്‍ വാഹനങ്ങള്‍ തടയാം. വ്യാഴാഴ്‌ച നടന്ന ഹര്‍ത്താലിലാണ്‌ പോലീസിന്റെ നിഷ്‌ക്രിയത്വ മനോഭാവം ഒരിക്കല്‍ കൂടി പ്രകടമായത്‌. തൊടുപുഴ ടൗണിലും ചുങ്കത്തും കോലാനിയിലും മദ്യപിച്ച്‌ ഇരുചക്ര വാഹനങ്ങളില്‍ എത്തിയ ഏതാനും ചെറുപ്പക്കാര്‍ ഹര്‍ത്താലിന്റെ പേര് പറഞ്ഞ്‌ വാഹനങ്ങള്‍ തടഞ്ഞിട്ടു. വാഹനത്തിലുള്ളവരുടെ യാത്രാ ഉദ്ദേശ്യം, സ്‌ത്രീകള്‍ ഉണ്ടെങ്കില്‍ വാഹനത്തിലുള്ള പുരുഷന്‍മാരുമായുള്ള ബന്ധം തുടങ്ങി നിരവധി ചോദ്യങ്ങള്‍ക്കുശേഷം പത്ത്‌ മിനിറ്റ്‌ വാഹനം ഒതുക്കിയിട്ടശേഷം പോയാല്‍ മതിയെന്ന്‌ ഈ സംഘം നിര്‍ദ്ദേശിക്കുന്നു. ഇതിന്‌ സമീപം നിലയുറപ്പിച്ചിട്ടുള്ള പോലീസ്‌ സേന ചുണ്ടില്‍ പുഞ്ചിരിയുമായി നില്‍ക്കുന്നു. ഹര്‍ത്താലിന്റെ മറവില്‍ റോഡില്‍ ശല്യം ഉണ്ടാക്കുന്ന സാമൂഹിക വിരുദ്ധര്‍ക്ക്‌ സംരക്ഷണം നല്‍കുന്ന രീതിയില്‍ പോലീസ്‌ കാവല്‍ നില്‍ക്കുകയായിരുന്നു. നിസഹായരായ വാഹന യാത്രക്കാരുടെ ബുദ്ധിമുട്ട്‌ കണ്ടില്ലെന്ന്‌ നടിക്കുന്ന നിലപാടിലായിരുന്നു പോലീസ്‌ ഉദ്യോഗസ്ഥര്‍. ഇതുസംബന്ധിച്ച്‌ ചിലര്‍ ജില്ലാപോലീസ്‌ ചീഫിനെ വിവരം ധരിപ്പിച്ചെങ്കിലും ഇവിടെ ഇങ്ങനെയേ നടക്കൂ എന്ന മറുപടിയാണത്രേ ലഭിച്ചത്‌. ഹെല്‍മറ്റ്‌ വേട്ട, സീറ്റ്‌ ബെല്‍റ്റ്‌ വേട്ട, സാമൂഹിക വിരുദ്ധര്‍ക്ക്‌ സല്യൂട്ട്‌ ഇങ്ങനെ മാറിയിരിക്കുന്നു നമ്മുടെ പോലീസെന്ന്‌ പറയേണ്ട സ്ഥിതിയാണ്‌. പോലീസുകാര്‍ സംഘടനാ സ്വാതന്ത്ര്യം നേടിയതോടെ എസ്.ഐ. മുതല്‍ താഴോട്ടുള്ളവര്‍ മാത്രമാണ്‌ ഫീല്‍ഡിലുള്ളത്‌. സി.ഐ. മുതല്‍ മുകളിലോട്ടുള്ളവര്‍ വലിയ ഇരകള്‍ വരുന്നതും കാത്ത്‌ ഓഫീസുകളില്‍ തന്നെ ചടഞ്ഞ്‌ കൂടുകയാണ്‌. തൊടുപുഴയില്‍ വനിത എ.എസ്.പി. സ്ഥലം മാറിയ ശേഷം ഡി.വൈ.എസ്.പി. ചുമതലയേറ്റെങ്കിലും അങ്ങനെയൊരാള്‍ ഉള്ളതായി യാതൊരു അറിവുമില്ലാത്ത സ്ഥിതിയാണ്‌. കഞ്ചാവ്‌ കച്ചവടക്കാരും പിടിച്ച്‌ പറിക്കാരും നഗരത്തില്‍ വിലസുന്ന സ്ഥിതിയാണ്‌. ജനനേതാക്കളാകട്ടെ ഇതൊന്നും തങ്ങളെ ബാധിക്കുന്ന കാര്യമല്ലായെന്ന മനോഭാവത്തിലും - കാരണം ഇവര്‍ക്കും കിട്ടുമല്ലോ സല്യൂട്ട്‌.
ഇനി ബംഗാളികളെ കേരള പോലീസില്‍ ചേര്‍ക്കേണ്ടി വരുമോയെന്ന സംശയവും ജനങ്ങള്‍ക്ക്‌ ഉണ്ടായിട്ടുണ്ട്‌. നിര്‍ജ്ജീവമായി ജോലി ചെയ്യുന്ന നമ്മുടെ പോലീസ്‌ സേനയെ സജീവമാക്കാന്‍ ബംഗാളികളും വേണ്ടി വന്നേക്കാം - കാരണം മറ്റെല്ലാ മേഖലകളും ഇവര്‍ കീഴടക്കി കഴിഞ്ഞല്ലോ.
2012, മേയ് 23, ബുധനാഴ്‌ച
എം. ജെ ചാക്കോ (71)
വിജയകുമാര്‍ (49)
2012, മേയ് 19, ശനിയാഴ്‌ച
വൈദ്യുതിയുടെ ഈറ്റില്ലമായ ഇടുക്കി ജില്ലയില്‍ ഇനിയും വൈദ്യുതീകരിക്കപ്പെടാത്ത ഗ്രാമങ്ങള്
യാത്രയയപ്പ്‌ നല്‍കി
തൊടുപുഴ : വിജ്ഞാനമാതാ പള്ളിയില്‍ നിന്നും കോടിക്കുളം സെന്റ്‌ ആന്‍സ്‌ പള്ളിയിലേക്ക്‌ സ്ഥലം മാറിപ്പോകുന്ന ഫാ. മാത്യു കാക്കനാടിന്‌ ഇടവക ജനങ്ങള്‍ യാത്രയയപ്പ്‌ നല്‍കി. ന്യൂമാന്‍കോളജ്‌ ബര്‍സാര്‍ ഫാ. മാനുവല്‍ പിച്ചളക്കാട്ട്‌, പ്രൊഫ. ജോസഫ്‌ കോയിക്കക്കുടി, എന്‍ വി വര്‍ക്കി നിരപ്പേല്‍, മാത്യുസ്‌ ബെന്നി, സുബിന്‍ എബ്രഹാം തുടങ്ങിയവര്‍ പ്രസംഗിച്ചു. ഫാ. മാത്യു കാക്കനാട്ട്‌ മറുപടി പ്രസംഗം നടത്തി. ട്രസ്റ്റിമാരായ ബേബി ആലപ്പാട്ട്‌, ജോര്‍ജ്ജ്‌ തയ്യില്‍ എന്നിവര്‍ ഇടവകയുടെ ഉപഹാരം സമ്മാനിച്ചു.
2012, മേയ് 15, ചൊവ്വാഴ്ച
തകരാറിലായ ഫോണ്‍ രണ്ടാഴ്‌ചയായിട്ടും നന്നാക്കിയില്ല
തൊടുപുഴ : വീക്ഷണം ഇടുക്കി ബ്യൂറോയിലെ ഫോണ്‍ തകരാറിലായി രണ്ടാഴ്‌ച ആയിട്ടും നന്നാക്കിയില്ല. നേരിട്ട്‌ പരാതി സ്വീകരിക്കുന്ന സമ്പ്രദായം നിര്‍ത്തലാക്കി ഓട്ടോമാറ്റിക്‌ പരാതി സ്വീകരിക്കല്‍ നടപടി തുടങ്ങിയതിനുശേഷം ബി.എസ്.എന്‍.എല്‍. ലാന്റ്‌ ഫോണുകള്‍ ഭൂരിഭാഗവും പ്രവര്‍ത്തിക്കാത്ത സ്ഥിതിയാണ്‌. തൊടുപുഴയിലുള്ള 222000 എന്ന നമ്പറില്‍ ഉപഭോക്താക്കള്‍ക്ക്‌ പരാതി പറയാമെങ്കിലും ഇവിടെ ഡ്യൂട്ടി നോക്കുന്ന വനിത ജീവനക്കാരി 198 എന്ന നമ്പറില്‍ പരാതി രേഖപ്പെടുത്താനുള്ള ഉപദേശമാണ്‌ നല്‍കുന്നത്‌. ബി.എസ്.എന്‍.എല്‍.-ലെ ഉയര്‍ന്ന ഉദ്യോഗസ്ഥര്‍ ഉപഭോക്താക്കളുമായി കാണാമറയത്ത്‌ ഇരുന്ന്‌ ജോലി ചെയ്യുന്നതാണ്‌ ഈ പൊതുമേഖലാ സ്ഥാപനത്തിന്റെ ദുരവസ്ഥയ്‌ക്ക്‌ കാരണം. വീക്ഷണം ഓഫീസിലെ ഫോണിന്റെ ലൈനിലെ തകരാറുമൂലം ഇന്റര്‍നെറ്റ്‌ കണക്ഷന്‍ ലഭിക്കാത്തതാണ്‌ പ്രശ്‌നം. രണ്ടാഴ്‌ച മുമ്പ്‌ 198-ല്‍ നല്‍കിയ പരാതിക്ക്‌ തകരാര്‍ ശരിയായോ എന്ന ചോദ്യവുമായി ഇന്നലെ വൈകുന്നേരമാണ്‌ ലൈന്‍മാന്‍ ഇതേ ലാന്റ്‌ നമ്പറിലേക്ക്‌ വിളിക്കുന്നത്‌. ഇതിന്‌ മുമ്പ്‌ തകരാര്‍ പരിഹരിക്കാന്‍ വന്നപ്പോള്‍ ലൈനില്‍ നിന്നും ടെലിഫോണിലേക്ക്‌ ബന്ധിപ്പിക്കുന്ന കണക്‌ടറിലെ തകരാര്‍ ബോദ്ധ്യപ്പെട്ടിട്ടും പരിഹരിക്കാതെ പോകുകയായിരുന്നു. ഇതേക്കുറിച്ച്‌ ചോദിച്ചപ്പോള്‍ കണക്‌ടര്‍ വാങ്ങേണ്ടത്‌ ഉപഭോക്താവിന്റെ ചുമതലയാണെന്ന മറുപടിയാണ്‌ ലൈന്‍മാന്‍ നല്‍കിയത്‌. പൊതുമേഖലയെ സംരക്ഷിക്കണമെന്ന്‌ പറഞ്ഞ്‌ ആഴ്‌ചയില്‍ ഒന്നുവീതം സമരവും ധര്‍ണ്ണയും നടത്തുന്ന ബി.എസ്.എന്‍.എല്‍. ജീവനക്കാര്‍ക്ക്‌ അവരുടെ ശമ്പളവര്‍ദ്ധനവില്‍ മാത്രമാണ്‌ താല്‍പ്പര്യം. ലാന്റ്‌ ഫോണുകള്‍ ഉപേക്ഷിക്കുവാന്‍ സാരോപദേശം നല്‍കുന്ന ചുമതലയാണ്‌ ഇപ്പോള്‍ ഭൂരിഭാഗം ലൈന്‍മാരും നിര്‍വ്വഹിക്കുന്നത്‌. സംഘടനാബലത്തില്‍ ജോലി ചെയ്യാതെ ശമ്പളം വാങ്ങുന്ന ഈക്കൂട്ടര്‍ ഒടുവില്‍ ബി.എസ്.എന്‍.എല്‍-ന്റെ അന്തകരായി മാറുമെന്നാണ്‌ സൂചന. ഈ പ്രശ്‌നം സംബന്ധിച്ച്‌ ബി.എസ്.എന്‍.എല്‍. കേരള ചീഫ്‌ മാനേജര്‍ക്ക്‌ ടെലിഫോണിലൂടെ പരാതി നല്‍കിയപ്പോള്‍ ലൈന്‍മാനോട്‌ സൗഹൃദമായി പെരുമാറി തകരാറ്‌ പരിഹരിക്കുന്നതാണ്‌ ബുദ്ധിയെന്നായിരുന്നു മറുപടി. പൊതുജനങ്ങളുമായി യാതൊരു ബന്ധവുമില്ലാതെ ശീതീകരിച്ച മുറികളില്‍ ഇരിക്കുന്ന ഉന്നത ഉദ്യോഗസ്ഥരും താഴോട്ട്‌ പോന്നാല്‍ ലൈന്‍മാന്‍ വരെയുള്ളവര്‍ ചേര്ന്ന് ബി.എസ്.എന്‍.എല്‍. തന്നെ ഇല്ലാതാക്കുന്ന കാലം അതിവിദൂരമല്ല.
ജോണ്‍ റെയ്‌നോള്‍ഡിന്റെ സംസ്‌കാരം നടത്തി
2012, മേയ് 14, തിങ്കളാഴ്‌ച
മാതൃകാ വിവാഹത്തിനൊപ്പം വധുവിന്റെ കവിതാസമാഹാരവും പുറത്തിറക്കി
വിവാഹ പ്രായം കഴിഞ്ഞ നിരവധി പെണ്‍കുട്ടികള്‍ സ്‌ത്രീധനം നല്‍കാനില്ലാത്തത്തിന്ററെ പേരില്‍ അവിവാഹിതരായി കഴിയുന്ന നാട്ടില്‍ വിവാഹ സല്‍ക്കാരത്തിന്റെ പേരില്‍ ആനയും അമ്പാരിയും എഴുന്നള്ളിച്ച്‌ വെടിക്കെട്ടും നടത്തി ആയിരങ്ങള്‍ക്ക്‌ കഴിക്കാനുള്ള ഭക്ഷണ സാധനങ്ങള്‍ കുഴിച്ചു മൂടി കളയുന്ന നാട്ടില്‍, വിവാഹത്തിന്റെ പവിത്രത ഒട്ടും ചോര്‍ന്നു പോകാതെ വളരെ ലളിതവും എന്നാല്‍ പ്രൗഡ ഗംഭീരവുമായി നടന്ന ഒരു മാതൃകാ വിവാഹത്തിനാണ്‌ കഴിഞ്ഞ ഞായറാഴ്‌ച തൊടുപുഴ ടൗണ്‍ സാക്ഷിയായത്‌
തൊടുപുഴയിലെ പ്രാദേശിക വാര്‍ത്താ ചാനലായ വി.ബി,സി. യിലെ ജീവനക്കാരിയും വളര്‍ന്നു വരുന്ന കവയത്രിയുമായ ജയ്‌നിയും പൊതു പ്രവര്‍ത്തകനും അദ്ധ്യാപകനും നോവലിസ്റ്റുമായ സിജു രാജാക്കാടുമാണ്‌ ജില്ലയിലേയും അയല്‍ ജില്ലകളിലേയും കലാ സാഹിത്യ പ്രവര്‍ത്തകരുടേയും സാമൂഹ്യ സന്നദ്ധ പ്രവര്‍ത്തകരുടേയും സാന്നിദ്ധ്യത്തില്‍ ലളിതമായ ചടങ്ങുകളോടെ വിവാഹിതരായത്‌. ഏതെങ്കിലും മതവിഭാഗത്തിന്റെ ആചാരങ്ങളൊന്നുമില്ലാതെ സ്‌പെഷ്യല്‍ മാര്യേജ്‌ ആക്‌ട്‌ പ്രകാരമായിരുന്നു വിവാഹം. വധൂവരന്‍മാര്‍ സ്റ്റേജില്‍ കേക്ക്‌ മുറിച്ച്‌ മധുരം പങ്കുവെച്ചു.
വിവാഹ വേദിയില്‍ വച്ചു തന്നെ ജയ്‌നിയുടെ ആദ്യ കവിതാ സമാഹാരമായ വീണ്ടുമൊരു മണ്ണാങ്കട്ടയും കരിയിലയും എന്ന പുസ്‌തകത്തിന്റെ പ്രകാശനവും നിര്‍വ്വഹിക്കപ്പെട്ടു. വിവിധ ആനുകാലികങ്ങളിലും മറ്റും പ്രസിദ്ധീകരിക്കപ്പെട്ട ഇരുപത്തെട്ട്‌ ജീവിതഗന്ധിയായ കവിതകളാണ്‌ ആ പുസ്‌തകത്തില്‍ അടങ്ങിയിരിക്കുന്നത്‌. മഹാത്മഗാന്ധി സര്‍വ്വകലാശാല സ്‌കൂള്‍ ഓഫ്‌ ലെറ്റേഴ്‌സിലെ ഡോ. ജോസ്‌ കെ. മാനുവല്‍ പ്രൊഫ. ജോയി മൈക്കിളിന്‌ നല്‍കിയാണ്‌ കവിതാ സമാഹാരത്തിന്റെ പ്രകാശനം നിര്‍വ്വഹിച്ചത്‌. സാഹിത്യകാരനായ ജോസ്‌ കോനാട്ട്‌ പുസ്‌തക അവലോകനം നടത്തി. വിവാഹ ചടങ്ങിന്‌ ആശംസകള്‍ അര്‍പ്പിക്കുന്നതിനായി നിരവധി സാമൂഹിക സാംസ്‌കാരിക പ്രവര്‍ത്തകര്‍ എത്തിയിരുന്നു. എസ്.യു.സി.ഐ. നേതാക്കളായ ഡോ. വി. വേണുഗോപാല്‍, ജെയ്‌സണ്‍ ജോസഫ്‌, മിനി കെ. ഫിലിപ്പ്‌, സിബി സി. മാത്യു, എന്‍. വിനോദ്‌ കുമാര്‍, വീക്ഷണം ഇടുക്കി ബ്യൂറോ ചീഫ്‌ സാബു നെയ്യശ്ശേരി, സാമൂഹിക സാംസ്‌കാരിക പ്രവര്‍ത്തകരായ സിസിലിയാമ്മ പെരുമ്പനാനി, അച്ചാമ്മ തോമസ്‌, മുട്ടം ശ്രീനി, രാജേന്ദ്രന്‍ പോത്തനാശ്ശേരി, കൈതക്കോട്‌ ജബ്ബാര്‍, കെ. എം. ജലാലുദ്ദീന്‍ എന്നിവര്‍ ആശംസകള്‍ അര്‍പ്പിച്ച്‌ സംസാരിച്ചു.
2012, മേയ് 13, ഞായറാഴ്‌ച
വഴിത്തല ശാന്തിഗിരി ആശ്രമ ദേവാലയത്തിന്റെ കൂദാശ
വഴിത്തല ശാന്തിഗിരി ആശ്രമ ദേവാലയത്തിന്റെ കൂദാശ
Posted by newsadmin on May 12th, 2012
യോടനുബന്ധിച്ച്‌
ചേര്‍ന്ന പൊതുസമ്മേളനം മന്ത്രി കെ. എം. മാണി ഉദ്‌ഘാടനം ചെയ്യുന്നു. ഫാ.
ജോസ്‌ പന്തപ്ലാംതൊട്ടിയില്‍, ബിഷപ്പ്‌ മാര്‍ ജോര്‍ജ്ജ്‌ പുന്നക്കോട്ടില്‍,
ഫാ. സിജന്‍ ഊന്നുകല്ലേല്‍, പി. സി. ജോസഫ്‌, ഫാ. പോള്‍ പാറേക്കാട്ടേല്‍,
ജോബി മാത്യു പൊന്നാട്ട്‌ തുടങ്ങിയവര്‍ സമീപം.2012, മേയ് 10, വ്യാഴാഴ്‌ച
വിവാഹത്തിന്റെ അന്‍പതാം വാര്‍ഷികം ആഘോഷിച്ചു
2012, മേയ് 8, ചൊവ്വാഴ്ച
താന്നിക്കല്‍ ടി.എം ജോസഫ്‌ (കുഞ്ഞാപ്പ്‌ – 86) നിര്യാതനായി.
2012, മേയ് 5, ശനിയാഴ്‌ച
ജേസീസിന്റെ ആഭിമുഖ്യത്തില്‍ തൊടുപുഴ സെന്റ്‌ സെബാസ്റ്റ്യന്‍സ്‌ ഹൈസ്‌കൂളില്‍ നടന്ന്‌ വന്ന സര്‍ഗ്ഗസംഗമം സമാപിച്ചു.
തൊടുപുഴ മൂണ്‍ലിറ്റ്‌ ഹോട്ടലില്‍ ചൈനീസ്‌ ഫുഡ്‌ ഫെസ്റ്റ്‌
പന്തയ്‌ക്കല്‍ ടെസ്സി ജോര്‍ജ്ജ്‌ നിര്യാതയായി
2012, മേയ് 4, വെള്ളിയാഴ്‌ച
സിസ്റ്റര്‍ ടെസ്സി നമ്പ്യാപറമ്പിലിന്റെ സംസ്‌കാരം മൂവാറ്റുപുഴ ഹോളിമാഗി പള്ളിയില്‍ നടന്നു
2012, മേയ് 3, വ്യാഴാഴ്‌ച
കരിമണ്ണൂര്‍ പോള്‍സ്‌ ബേക്കറി ഉടമ പോള്‍തോമസിന്റെ സംസ്‌കാരം
കഴിഞ്ഞ ദിവസം നിര്യാതനായ കരിമണ്ണൂര്‍ പോള്‍സ്‌ ബേക്കറി ഉടമ പോള്‍തോമസിന്റെ സംസ്‌കാരം കരിമണ്ണൂര്‍ സെന്റ്‌ മേരീസ്‌ ഫൊറോന പള്ളിയില്‍ നടന്നു. വസതിയിലും പള്ളിയിലും സമൂഹത്തിന്റെ വിവിധ തുറകളിലുള്ളവര്‍ ആദരാഞ്‌ജലികള്‍ അര്‍പ്പിക്കുവാന്‍ എത്തിയിരുന്നു. പരേതനോടുള്ള ആദരസൂചകമായി വ്യാഴാഴ്‌ച ഉച്ചകഴിഞ്ഞ്‌ കരിമണ്ണൂരില്‍ വ്യാപാരസ്ഥാപനങ്ങള്‍ ഹര്‍ത്താല്‍ ആചരിച്ചു.
2012, മേയ് 2, ബുധനാഴ്‌ച
ഗ്രീന്‍പവര്‍ മാര്‍ക്കറ്റിംഗ്‌ പ്രവര്‍ത്തനം ആരംഭിച്ചു
തൊടുപുഴ വെങ്ങല്ലൂര്‍ ജംഗ്‌ഷനില്‍ ഗ്രീന്‍പവര്‍ മാര്‍ക്കറ്റിംഗ്‌ പ്രവര്‍ത്തനം ആരംഭിച്ചു. പ്രമുഖ ബ്രാന്‍ഡുകളുടെ ഇന്‍ഡസ്‌ട്രിയല്‍, ഇന്‍വെര്‍ട്ടര്‍ ബാറ്ററികള്‍, യുപിഎസ്‌ ഇന്‍വെര്‍ട്ടര്‍ തുടങ്ങിയവയുടെ ഷോറൂമിന്റെയും സര്‍വ്വീസ്‌ സെന്ററിന്റെയും ഉദ്‌ഘാടനം തൊടുപുഴ ടൗണ്‍ സര്‍വ്വീസ്‌ സഹകരണ ബാങ്ക്‌ പ്രസിഡന്റ്‌ കെ. ദീപക്‌ നിര്‍വഹിച്ചു
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)