മുതലക്കോടം കുന്നക്കാട്‌ പാടശേഖരത്തിലെ നെല്ലും മീനും കൃഷിയെ അടുത്തറിയുവാന്‍ സ്‌കൂള്‍ വിദ്യാര്‍ത്ഥികളും എത്തി. തൊടുപുഴ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ത്ഥികളാണ്‌ കൃഷിയെക്കുറിച്ച്‌ പഠിക്കുവാന്‍ പാഠശാലയില്‍നിന്നും പാടത്ത്‌ എത്തിയത്‌. കര്‍ഷകനായ റ്റി.ജെ മാത്യു കൃഷിരീതികളെക്കുറിച്ച്‌ കുട്ടികള്‍ക്ക്‌ വിവരിച്ചു കൊടുത്തു. അദ്ധ്യാപകരും കൃഷികാര്യങ്ങള്‍ വിശദീകരിച്ചു. 20 വര്‍ഷത്തോളമായി വിതയ്‌ക്കാതെ കിടന്ന പാടശേഖരത്തില്‍ ജോസ്‌ കൊരട്ടിപ്പറമ്പിലിന്റെ നേതൃത്വത്തിലാണ്‌ നെല്ലും മീനും കൃഷി നടത്തുന്നത്‌. കൃഷിയെക്കുറിച്ച്‌ മനസിലാക്കുവാന്‍ കഴിഞ്ഞതായി കുട്ടികള്‍ പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ