സംസ്ഥാന സര്‍ക്കാരിന്റെ ശുചിത്വോല്‍സവത്തില്‍ ജീവനക്കാരും സജീവമായി രംഗത്ത്. ഇടുക്കി കളക്‌ടറേറ്റ്‌ ആസ്ഥാനമായ കുയിലിമലയിലെ സിവില്‍സ്റ്റേഷനില്‍ ജീവനക്കാരോടൊപ്പം ജില്ലാകളക്‌ടര്‍ ഇ,ദേവദാസനും സജീവമായി ശുചീകരണ പ്രവര്‍ത്തനങ്ങളില്‍ ഏര്‍പ്പെട്ടു. രാവിലെ രണ്ട്‌ മണിക്കൂറോളം സിവില്‍സ്റ്റേഷനും പരിസര പ്രദേശങ്ങളും ജീവനക്കാരുടെ നേതൃത്വത്തില്‍ വൃത്തിയാക്കി. കളക്‌ടറേറ്റ്‌ ഉള്‍പ്പെടെ എല്ലാ ഓഫീസുകളിലെയും ജീവനക്കാര്‍ ശുചീകരണപ്രവര്‍ത്തനങ്ങളില്‍ സജീവമായി പങ്കെടുത്തു. കളക്‌ടറേറ്റും പരിസരവും വൃത്തിയായി സൂക്ഷിക്കുന്നതില്‍ പരമാവധി ശ്രദ്ധിക്കുമെന്ന്‌ ജില്ലാ കളക്‌ടര്‍ ഇ ദേവദാസന്‍ പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ