തൊടുപുഴ : കെഎസ്‌ആര്‍ടിസിയും ബൈക്കും കൂട്ടിയിടിച്ച്‌ ഗുരുതരമായി പരിക്കേറ്റ്‌ എട്ടുമാസമായി ആശുപത്രിയില്‍ കഴിയുന്ന വണ്ടമറ്റം പുതുശ്ശേരിയില്‍ വിന്‍സെന്റ്‌ വര്‍ഗ്ഗീസിന്‌ ഖത്തര്‍ മലയാളികളുടെ സഹായ ഹസ്‌തം. ഖത്തറില്‍ ജോലി ചെയ്യുന്ന ഇടുക്കിജില്ലയില്‍ നിന്നുള്ള മലയാളികളുടെ കൂട്ടായ്‌മ സംഭരിച്ച അരലക്ഷം രൂപ തൊടുപുഴ ചാഴികാട്ട്‌ ആശുപത്രിയില്‍ ചികിത്സയില്‍ കഴിയുന്ന വിന്‍സെന്റിന്‌ സംഘടനയുടെ രക്ഷാധികാരി അറക്കുളം സ്വദേശി ഉണ്ണികൃഷ്‌ണന്‍ ഇന്ന ലെ ആശുപത്രിയില്‍ എത്തി നല്‍കി. വിന്‍സെന്റിന്റെ ദയനീയാവസ്ഥയെക്കുറിച്ച്‌ മാധ്യമങ്ങളില്‍ വന്ന വാര്‍ത്തയെതുടര്‍ന്നാണ്‌ ഖത്തറിലെ മലയാളികള്‍ പണം സ്വരൂപിച്ചത്‌. ഇന്നലെ രാവിലെ ഖത്തറില്‍ നിന്നും നാട്ടിലെത്തിയ ഉണ്ണികൃഷ്‌ണന്‍ ഉച്ചയോടെ വിന്‍സെന്റിനെ സന്ദര്‍ശിച്ച്‌ പണം നല്‍കുകയായിരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ