പ്രവാസി മലയാളികള്‍ക്കായി ആഗസ്റ്റ്‌ 10 മുതല്‍ 12 വരെ
കുട്ടിക്കാനം മരിയന്‍ കോളേജില്‍ കുടുംബസംഗമം നടത്തുമെന്ന്‌ ഗ്ലോബല്‍ അഡൈ്വസറി
ചെയര്‍മാന്‍ ഗോപാലപിള്ള വാര്‍ത്താസമ്മേളനത്തില്‍ അറിയിച്ചു. 30 ല്‍ പരം
രാജ്യങ്ങളിലായി 52 പ്രൊവിന്‍സുകളുള്ള വേള്‍ഡ്‌ മലയാളി കൗണ്‍സിലാണ്‌ സംഗമത്തിന്‌
നേതൃത്വം നല്‍കുന്നത്‌. മന്ത്രി പി.ജെ ജോസഫും കുടുംബവും നയിക്കുന്ന സംഗീത
സന്ധ്യയും, സിനിമാതാരവും കേരള സംഗീതഅക്കാദമി മുന്‍ ചെയര്‍മാനുമായ മുകേഷിന്റെ
നര്‍മ്മസല്ലാപവും എം.എ ബേബി, കെറ്റിഡിസി ചെയര്‍മാന്‍ വിജയന്‍ തോമസ്‌
എന്നിവരുമായുള്ള ചോദ്യോത്തരവേളയും സംഗമത്തിലുണ്ടാകും. മുന്‍ ഗ്ലോബല്‍ സെക്രട്ടറി
അനൂപ്‌ ധന്വന്തരി, യൂറോപ്പ്‌ റീജിയണല്‍ ജനറല്‍ സെക്രട്ടറി മജു പേയ്‌ക്കല്‍, ഖത്തര്‍
പ്രൊവിന്‍സ്‌ പ്രസിഡന്റ്‌ ജോസ്‌ കോലോത്ത്‌, ഇടുക്കി ജില്ലാ സെക്രട്ടറി പോള്‍ ജോസ്‌
എന്നിവരും വാര്‍ത്താസമ്മേളനത്തില്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ