തൊടുപുഴ : വിദ്യാഭ്യാസ വായ്‌പ അപേക്ഷയുമായെത്തിയ സ്‌ത്രീയെ അനാശാസ്യത്തിന്‌ പ്രേരിപ്പിച്ച ബാങ്ക്‌ മാനേജര്‍ പോലീസ്‌ പിടിയിലായി. യൂണിയന്‍ ബാങ്ക്‌ തൊടുപുഴ ബ്രാഞ്ച്‌ മാനേജര്‍ തിരുവനന്തപുരം സ്വദേശി പേഴ്‌സി ജോസഫിനെയാണ്‌ പോലീസ്‌ അറസ്റ്റ്‌ ചെയ്തത്. യൂണിയന്‍ ബാങ്ക്‌ തൊടുപുഴ ബ്രാഞ്ചില്‍ ഇടപാടുകള്‍ക്ക്‌ എത്തുന്ന സ്‌ത്രീകളോട്‌ മാനേജര്‍ അപമര്യാദയായി പെരുമാറുന്നതായി നിരവധി പരാതികള്‍ ഉയര്‍ന്നിരുന്നു. മാനേജരുടെ അതിര്‌ കടന്ന പ്രവര്‍ത്തികളെ കുറിച്ച്‌ പോലീസിന്‌ ലഭിച്ച പരാതിയെ തുടര്‍ന്ന്‌ ഷാഡോ പോലീസിന്റെ സഹായത്തോടെ നടത്തിയ നാടകീയ നീക്കങ്ങള്‍ക്ക്‌ ഒടുവിലാണ്‌ മാനേജര്‍ പോലീസ്‌ വലയിലായത്‌. ഇതിന്‌ മുമ്പും ഇയാള്‍ ജോലി ചെയ്‌തിരുന്ന ബ്രാഞ്ചുകളിലും ഇത്തരം പ്രവര്‍ത്തികള്‍ നടത്തിയിരുന്നതായി പോലീസ്‌ പറഞ്ഞിരുന്നു. ഉച്ചകഴിഞ്ഞ്‌ മൂന്നുമണിയോടെയാണ്‌ ബാങ്കില്‍ നിന്നും ഇയാളെ പോലീസ്‌ കസ്റ്റഡിയിലെടുത്തത്‌. വിദ്യാഭ്യാസ വായ്‌പ നിഷേധിക്കുന്നതിന്റെ പേരില്‍ ഏറെ ആരോപണ വിധേയമായ ബാങ്കായിരുന്നു യൂണിയന്‍ ബാങ്ക്‌. മാനേജരെ പോലീസ്‌ കോടതിയില്‍ ഹാജരാക്കി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ